Lehm

Lehm
Lehm
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Šorpkabjaižed (Artiodactyla) Sugukund: Bovidae Heim: Todesižed härgad (Bos) Erik: Mechärg (Bos taurus) Toižend: Lehm
Latinankel'ne nimi
Bos taurus taurus (Linnaeus, 1758)
Areal
Sistematik Vikierikoiš Kuvad Vikiaitas ITIS 898717 NCBI 9913

Lehm om kabjživat, kodihärgan (latin.: Bos taurus taurus) emäč, mechärgan (latin. Bos taurus) kodikoittud alaerik.

Lehmän poig om vaza. Kazvanuded poigad: hartak, häčoi, härgvaza (ižačud), lähtan' (emäč). Lehm nimitase lähtan'lehmäks ezmäižen kandandan jäl'ghe. Kandand vedase ühesa kud.

Kazvatadas samha lihad, maidod i nahkoid.

Lehmiden tipiden vepsän nimed

• Ajelnus lehm — zavodinu kantta lehm.
• Kuhmoi — sar'vitoi lehm.
• Loukoi — vaugedpäine lehm.
• Lähtan'lehm — kandai (kandanu) lehm ezmäižen kerdan.
• Maho lehm — kandatoi lehm.
• Maidnik — lehm maidod andelmaha.
• Sorokpälehm — lehm kirjavan pänke.
• Tineh — kandai lehm.

Lehmähä sidotud vepsän tärtused

• Läbläk — lehmän here.

Lehmähä sidotud vepsän muštatišed da ozoitesed

Muštatišed

• Ak da lehm, mužik da hebo.
• Ei ole kondi vär, a lehm om.
• Kacta kuti lehm udehe kašlihe.
• Lehm tanhal — söm pertiš.
• Putub kondjale lehm, ka siloi i kargaidab.
• Siloi om aigad heinäd toda, konz lehm om kolnu.

Ozoitesed

Lehm seižub tanhal, sar'ved irdal (päč lämptäb).
Nell' sizart kustas ühthe vädrha (lehmän lüpstas).

Kacu mugažo

• Jumalanlehmäine
• Paimnen torvut

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.