Mec: Erod versijoiden keskes
Südäimišt om heittud Ližatud südäimišt
pEi ole vajehtusen ühthevedoid |
pEi ole vajehtusen ühthevedoid |
||
| Rivi 40: | Rivi 40: | ||
* ''Kut mecha kidastad, muga mec-ki vastustab.'' |
* ''Kut mecha kidastad, muga mec-ki vastustab.'' |
||
* ''Mecas pud ei olgoi ühtejiččed, muga i rahvaz.'' |
* ''Mecas pud ei olgoi ühtejiččed, muga i rahvaz.'' |
||
* ''Mechapäi ei ajagoi lapsenkacujad ecmaha.'' |
|||
* ''Min edahamb mecha, sen enamb haugoid.'' |
* ''Min edahamb mecha, sen enamb haugoid.'' |
||
</blockquote> |
</blockquote> |
||
Vajehtuz 7. Heinku 2019, kell 00:35
Mec om Mašurun pindan pala, kattud pukazmusil. Mec ottab läz 9,4 procentad Man pindad da läz koumandest kuivman pindad, nece om 38 mln km²[1]. Necen meczonan polišk mülüihe tropikoihe, nelländez om Pohjoižmapoliškos. ÜRO:n arvoimižen mödhe, Venäman mecan pind om 8,5 mln km² (851 mln gektarad)[2], Rosleshoz:an andmusiden mödhe, miččid lugetas toižel metodal, vodel 2011 augotišes, mecfond om 1183,3 mln. gektarad, 797,1 — kattud mecal.[3]
Mecoiden toižendoiden vepsän nimed
- Barbik, barbišt — hen lehtezmec.
- Harv mec, harvišt — mecpind ladvištoiden ümbištundmäranke 0,2..0,3 vähemb.
- Kaskez — nor' segoitadud mec.
- Kor'b, šohro, mecakišt, org — paks da amuine da edahaine mec.
- Lomžom — mec äiluguižiden lohkaidud puidenke.
- Madališt, barbikoikaz mec — madal ladvoil mec.
- Palatez, palatiž — palanu mec.
- Pihk — paks kavag'mec.
- Puregišt — paks nor' mec.
- Reskač, norišt — nor' mec.
- Rozjam — kuivanu jurele mec.
- Rouhišt — vanh mec, vanhoiš puišpäi.
- Rädeg — paks da amuine kuz'ne mec.
- Sar', sarik, sarjak — kazvai eriži mec.
- Šaim — mectunu henošti so.
- Vičikišt — nor' paks mec; paks penzhišt.
- Vidä — nor’ kuz’ne mec, mž. paks.
Mecha sidotud vepsän tärtused
- Lamad — mecan tarh meckävutamižen täht.
- Mechine, mechaine, mecauk, mecamez' — mifine mecan ižand.
- Parččom — mecan varhapanend.
- Tösk — mecan tarh vai čapmaha sidä.
- Uhring — notked taho mecas.
- Vugonk — mecan ajand jogedme.
Mecha sidotud vepsän muštatišed da ozoitesed
Muštatišed
- Azj eile kondi, mecha ei mäne.
- Eraz eläb, ku puzuhu paneb, a toine eläb, ku märgän mecan poltab.
- Gorä ei mecadme kävele, a rahvastme.
- Händikast kut taht söta, a üks'kaik kor'bhe kacub.
- Ičeiž mad armhembad, ičeiž mecad čomembad.
- Kut mecha, muga i mecaspäi.
- Kut mecha kidastad, muga mec-ki vastustab.
- Mecas pud ei olgoi ühtejiččed, muga i rahvaz.
- Mechapäi ei ajagoi lapsenkacujad ecmaha.
- Min edahamb mecha, sen enamb haugoid.
Ozoitesed
Mecas koume mechašt, kezal i tal'vel ühted sädod (hong, kuz' da kadag).
Kacu mugažo
Homaičendad
- ↑ Global forest land-use change 1990−2005. Rome, 2012. — Food and Agriculture Organization of the United Nations (fao.org). — Lp. 11. ISBN 978-92-5-107399-5. (angl.)
- ↑ Venäman Federacijan mecad da mecižanduz. — Fao.org. (angl.)
- ↑ Леса и лесные ресурсы Российской Федерации (Venälaižen Federacijan mec da mecvarad) //Ежегодный доклад о состоянии и использовании лесов Российской Федерации в 2011 г. — Рослесхоз (rosleshoz.gov.ru). — Lp. 2. (ven.)