Mail'man bank

Mail'man bankan päfater Vašington-lidnas, AÜV (2006)

Mail'man bankan logotip

Mail'man bank (angl.: The World Bank) om rahvahidenkeskeine finansine organizacii, sen grupp kogoneb vides palaspäi i mülüb ÜRO:ho. Om sätud vl 1945 abutamha udessündutada Päivlaskmaižen Evropan valdkundoid i Japonijad Toižen mail'man sodan jäl'ghe. Nügüd' bank om olmas abun täht šingotesen valdkundoile, se andab kreditoid i grantid gollüden polenendan täht, spravitamha läžundoid i pätamha mugomid kaikiš süvembid valdkundan problemoid kut endevanh vezikanalizacine sistem, lapsiden openduz. Bankgruppan kaikiden paloiden päfaterad sijadasoiš AÜV:oiden Vašington-pälidnas.

Mail'man bankan gruppan päine pala om Rahvahidenkeskeine bank rekonstrukcijas da šingoteses (RBRŠ), se om sätud vl 1945. Kahtenz' struktur om Rahvahidenkeskeine associacii šingoteses, se oigendab bankan erasid funkcijoid vspäi 1960. Sen ližaks, koume organizacijad oma Mail'man bankan gruppan paloikš:

• Rahvahidenkeskeine finansine korporacii (RFK) vspäi 1956;
• Äipol'ne investicine garantiiagentuz (angl.: MIGA) vspäi 1988;
• Rahvahidenkeskeine keskuz investicižridoiden pätandas (angl. ICSID) vspäi 1966.

Valdkundale sab ühtneda Mail'man bankan strukturha vaiše ku valdkund jo om RVF:an ühtnijaks.

Mail'man bankan prezident om Devid Malpass (David Malpass) vs 2019 sulakun 9. päiväspäi.

Irdkosketused

• Mail'man bankan oficialine sait (worldbank.org). (angl.) (+ äjil toižil valdkundkelil)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.