Kotlas: Erod versijoiden keskes
pEi ole vajehtusen ühthevedoid |
+ galerei |
||
Rivi 9: | Rivi 9: | ||
| Voz' = 2017 |
| Voz' = 2017 |
||
| Pind = 68.04 |
| Pind = 68.04 |
||
| Fail = |
| Fail = Sovetov square, Kotlas.jpg |
||
| Pämez' = Andrei Bral'nin<br />(sügüz'ku 2013—) |
| Pämez' = Andrei Bral'nin<br />(sügüz'ku 2013—) |
||
| Telefonkod = +7-81837-xx-xxx |
| Telefonkod = +7-81837-xx-xxx |
||
Rivi 42: | Rivi 42: | ||
Tatanmaine Kotlas-lendimport (''КТС / KSZ'', 10,7 tuh. passažiroid vl 2016) sijadase ani lidnan suvipäivnouzmaižen röunan taga, sišpäi tehtas reisid [[Arhangel'sk]]ha, [[Siktivkar]]ha i [[Piter]]ihesai. |
Tatanmaine Kotlas-lendimport (''КТС / KSZ'', 10,7 tuh. passažiroid vl 2016) sijadase ani lidnan suvipäivnouzmaižen röunan taga, sišpäi tehtas reisid [[Arhangel'sk]]ha, [[Siktivkar]]ha i [[Piter]]ihesai. |
||
== Galerei == |
|||
<gallery mode="packed" heights="125px"> |
|||
Мэрия Котласа.JPG|Lidnan administracijan sauvuz (merii, 2012) |
|||
Saint Stephen of Perm Church (Kotlas) (01).JPG|Ph. Stefanan Permalaižen jumalanpert', vn 2013 nägu |
|||
Электромеханический завод, Котлас.JPG|Elektromehanine tegim (2010) |
|||
Stolitca, Kotlas (01).jpg|«Stolica»-torguindkeskuz vl 2019 |
|||
Kotlas-Iujnyi railroad station, 2016 (01).JPG|Päraudtestancijan sauvuz<br />(Kotlas-Suvine) |
|||
</gallery> |
|||
== Homaičendad == |
== Homaičendad == |
Vajehtuz 13. Kül’mku 2021, kell 11:46
Lidnanznam |
Flag |
Valdkund | Venäma |
Eläjiden lugu (2017) | 61,902 ristitud |
Pind | 68,04 km² |
Pämez' | Andrei Bral'nin (sügüz'ku 2013—) |
Telefonkod | +7−81 837-xx-xxx |
Avtokod | 29 |
Aigvö | UTC+3 (MSK+0) |
Kotlas (ven.: Котлас) om Venäman lidn Arhangel'skan agjan suvipäivnouzmas. Se om agjan koumanz' lidn eläjiden lugun mödhe, järed raudtesol'm. Om municipaližen «Kotlas»-ühtnikan (lidnümbrikon) administrativižeks keskuseks, mugažo Kotlasan rajonan-ki (ei mülü rajonha).
Istorii
Ende komilaižiden Piras-eländpunkt (ven.: Пырас) da kund oliba olmas Kotlasan sijas 14.-18. voz'sadoil. Kotlas-külä (vai Kodlas) mainitase eziauguižešti Stroganovan kirjeižes (1617−1625 voded) i Alamaiden kartal (1634), nimitihe lähižen penen jogen mödhe. Külä šingotaškanzihe transporttesol'meks vspäi 1899, saudihe «Perm' — Vätk — Kotlas»-raudted.
Vn 1917 kezakuspäi om lidnan statusanke. Repressijoiden vozil (1930−1950-nded voded) oli järedaks oigenduzkeskuseks türmatud ristituiden täht. Raudtesild om saudud Pohjoižes Dvinas päliči nenil ristituil Toižen mail'man sodan aigan. Avtotesild Pohjoižes Dvinas päliči sijadase 2 km pohjoižemb, se om saudud vl 2001.
Kotlas šingotase raudten edheotandoil, mecpilindan i mecan ümbriradmižen kombinatal (sauvondmaterialad, tehnologine pärzak), Limendan laivansauvomižen tegimel, elektromehanižel tegimel (erazvuiččed gazballonad i metallan ümbriradmine), sömtegimištol (leib, jauh, jomad, lihaproduktad).
Geografijan andmused
Lidn sijadase Pohjoižen Dvinan oiktal korktal randal i Vičegdan hural randal, jogiden ühthejoksmusen sijas, 80 m keskmäižel korktusel valdmeren pindan päl. Matkad Arhangel'skhasai om 600 km lodeheze orhal, oiged te om vetme vai il'madme. Lähembaižed lidnad oma Sol'vičegodsk 17 km päivnouzmha-pohjoižpäivnouzmha orhal, Koräžm 28 km päivnouzmha orhal, 34 km avtotel vai raudtel, Krasavino (Vologdan agj) 34 km suvhe orhal vai 44 km avtotedme.
Klimat om ven. Voden keskmäine lämuz om +2,0 C°. Paneb sadegid 576 mm vodes, kezaližil kuil enamba kaiked (207 mm koumes kus).
Koume eländpunktad mülüdas municipaližhe «Kotlas»-ühtnikha lidnan ližaks: kaks' pen't küläd (94 rist. vl 2010) i järed raudteradnikoiden lidnanvuitte Vičegodskii-žilo (12 786 eläjad vl 2017).
Eläjad
Vl 1939 lidnan ristitišt oli 17 300 eläjad, vl 1959 — 52 608 eläjad. Vn 2010 Venäman rahvahanlugemižen mödhe lidnan eläjiden lugu oli 60 562 ristitud, lidnümbrikon — 73 517 ristitud. Kaikiš suremb lidnan ristitišt oli 69 tuhad eläjid vozil 1986 da 1987. Ortodoksižen hristanuskondan kaks' jumalanpertid i časoun'[1] oma olmas lidnas.
Rahvahad (2010): venälaižed — 97,4%, toižed rahvahad — 2,6%.
Professionaližen opendusen aluzkundad oma Kotlasan pedagogine kolledž[2] i Kotlasan elektromehanine tehnikum[3].
Transport
Avtobusad i ezilidnjonused oma kundaližeks transportaks lidnas da sen ümbrištos. Koume raudtestancijad ratas lidnas: Kotlas-Suvine, Kotlas-Pohjoine i Kotlas-Sol'm. Raudteedheotandan päfater sijadase Vičegodskii-žilos. Jogiport om avaitud lidnas.
Tatanmaine Kotlas-lendimport (КТС / KSZ, 10,7 tuh. passažiroid vl 2016) sijadase ani lidnan suvipäivnouzmaižen röunan taga, sišpäi tehtas reisid Arhangel'skha, Siktivkarha i Piterihesai.
Galerei
-
Lidnan administracijan sauvuz (merii, 2012)
-
Ph. Stefanan Permalaižen jumalanpert', vn 2013 nägu
-
Elektromehanine tegim (2010)
-
«Stolica»-torguindkeskuz vl 2019
-
Päraudtestancijan sauvuz
(Kotlas-Suvine)
Homaičendad
- ↑ Kotlasan pühäpertid sobory.ru-saital. (ven.)
- ↑ Kotlasan pedagogižen kolledžan sait (kotlas-college.ru). (ven.)
- ↑ Kotlasan elektromehanižen tehnikuman sait (pl-20-kotlas). (ven.)
Irdkosketused
Kotlas Vikiaitas |
Arhangel'skan agjan lidnad | ||
Arhangel'sk | Kargopol' | Koräžm | Kotlas | Mezen' | Mirnii | Nar'jan Mar | Novodvinsk | Nändom | Oneg | Severodvinsk | Sol'vičegodsk | Šenkursk | Vel'sk | ||