Anglijan kel'

Anglijan kel' (angl. English) om germanižen gruppan indoevropine kel'. Se om valdkundkel' Sures Britanijas, Avstralijas, Udes Zelandijas da AÜV:n 32 štatoiš, üks' kahtes valdkundkelespäi Irlandijas, Kanadas da Mal'tas. Anglijan kel' kävutadas mugažo kuti oficialine kel' erazvuiččiš Azijan (Indii, Pakistan da toižed) da Afrikan valdkundoiš.

Pagižijoiden lugu — 410 mil. (mamankel') vai 1 mlrd (toine i veraz kel').

Anglijan kel' om üks' ÜRO:n radkelišpäi.

Grammatižen znamoičendan kuvandoičend keles om tobjimalaz analitine. Sanoiden järgenduz om tarkoiged. Anglijan kel' mülüb analitižiden keliden gruppha. Kelen leksikas om äi velgsanoid. Latinalašt kirjkel't kävutadas VII voz'sadaspäi jo. Orfografijad harakterizuib tradicižiden kirjutamižiden äjuz.

Anglijan kelen kirjamišt

А a	B b	C c	D d	E e	F f	G g	H h	I i
J j	K k	L l	M m	N n	O o	P p	Q q	R r
S s	T t	U u	V v	W w	X x	Y y	Z z

Fonetik

Anglijan keles ei ole palataliziruidud konsonantoid. Änekahad lopkonsosnantad ei tehkoiš änetomikš. Akkomodacijad oma harvad keles.

Morfologii

Anglijan kelen ičevuitte pird - sanoiden lühüduz. Nece ei znamoiče, miše keles ani ei ole pit'kid sanoid, no niid pagištes kävutadas harvašti. ak:English