Mec

Tal'vmec (Pineg-jogen taho, Arhangel'skan agj)

Mec om Mašurun pindan pala, kattud pukazmusil. Mec ottab läz 9,4 procentad Man pindad da läz koumandest kuivman pindad, nece om 38 mln km². Necen meczonan polišk mülüihe tropikoihe, nelländez om Pohjoižmapoliškos. ÜRK:n arvoimižen mödhe, Venäman mecan pind om 8,5 mln km² (851 mln gektarad), Rosleshozan andmusiden mödhe, miččid lugetas toižel metodal, vodel 2011 augotišes, mecfond om 1183,3 mln. gektarad, 797,1 — kattud mecal.

Mecoiden tipiden vepsän nimed

• Barbik, barbišt — hen lehtezmec.
• Harv mec, harvišt — mecpind ladvištoiden ümbištundmäranke 0,2—0,3 vähemb.
• Kor'b, šohro, mecakišt, org — paks da amuine da edahaine mec.
• Lomžom — mec äiluguižiden lohkaidud puidenke.
• Pihk — paks kavag'mec.
• Puregišt — paks nor' mec.
• Rädeg — paks da amuine kuz'ne mec.
• Reskač, norišt — nor' mec.
• Šaim — mectunu henošti so.
• Vičikišt — nor' paks mec; paks penzhišt.
• Vidä — nor’ kuz’ne mec, mž. paks.

Vepsän tärtused mecanke sidotud

• Uhring — notked taho mecas.

Vepsän muštatišed mecanke sidotud

• Azj eile kondi, mecha ei mäne.
• Gorä ei mecadme kävele, a rahvastme.
• Min edahamb mecha, sen enamb haugoid.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.