Inkeriläižed: Erod versijoiden keskes
Максим (pagin | tehtud radod) Om sätud uz' lehtpol', kudamban südäiolend om '{| align=center class=toccolours style="text-align: center; width: 100%; font-size: 125%; clear:both; margin:0.75em auto" | style="width:22px" |...' |
(Nimittušt erod)
|
Vajehtuz 25. Sügüz’ku 2013, kell 17:16
Nece kirjutuz ei ole kirjutadud lophusai. |
Necen kirjutusen pidab kodvda. |
Inkeriläižed (inkerinsuomalaižed, ingermanlandijalaižed, ingermanlandcad) oma subetnine suomalaižiden grupp, kudamb eläb istoriž-geografižen Ingermanlandii agjan territorijal. Ingermanlandijalaižiden kel' pidad suomen kelen päivnouzmpol'žid paginoid. Uskondan mödhe tradicižikš pidadas lüteraništ jumalankodikundad, no heiden pala pidab hristianuskondad.
Istorii
Ingermanlandijalaine subetnos formiruihe sen tagut, miše Ročinman administracii sirdi evremeisoiden Karjalan kaglhaspäi da savakotoiden Suomenman päivnouzmpol'žes Savo-provincijaspäi paloid Stolbovon kožundan mödhe sadud uzile ižoralaižile maile. Ižoran man finnizacii oli kebnan demografižiden kadoiden Smutan pordan aigan tagut.
Jäl'ges 1675 vot pohjoine da keskmäine Ingermanlandii linneb lüteranižeks da suomenkeližeks. Sen tagut miše Ročinman tobmused lüteranizuihe sijaližid ortodoksižid rahvahid (venälaižid, ižoralaižid, vodilaižid, karjalaižid) heiden tahtod vaste, rahvahan suremb pala joksi Ingermanlandijaspäi. Heiden sijale sirdud evremeisad da savakotad formiruihe uziš maiš ičevuiččen subetnižen kul'turan.
Päivlaskmpol'žes Ingermanlandijas ortodoksine uskond kaičihe paremba. Rahvaz 1656 vodel oli suomalaižen 41 procental, a 1695 vodel — läz 75 procentad.
Lönad | 1623 | 1641 | 1643 | 1650 | 1656 | 1661 | 1666 | 1671 | 1675 | 1695 |
---|---|---|---|---|---|---|---|---|---|---|
Ivangorodan | 5,2 | 24,4 | 26,7 | 31,8 | 26,3 | 38,5 | 38,7 | 29,6 | 31,4 | 46,7 |
Jaman | — | 15,1 | 15,2 | 16,0 | 17,2 | 44,9 | 41,7 | 42,9 | 50,2 | 62,4 |
Kopor'jen | 5,0 | 17,9 | 19,2 | 29,4 | 30,3 | 34,9 | 39,9 | 45,7 | 46,8 | 60,2 |
Noteburgan | 14,7 | 58,5 | 66,2 | 62,5 | 63,1 | 81,0 | 88,5 | 86,0 | 87,8 | 92,5 |
Kaiked | 7,7 | 35,0 | 39,3 | 41,6 | 41,1 | 53,2 | 55,6 | 59,9 | 61,5 | 71,7 |
Territorii linneb venälaižen udes jäl'ghe Piterin alusen jo. No eskai ühesandentoštkümnenden voz'sadan augun Piterin ümbrišt oli praktižikš kogonaz suomenkeližen. Kahtendenkümnenden voz'sadan augule oliba kaks' surt rajonad suomalaižen rahvahan korktan palanke: Karjalan kaglhan ingermanlandijalaine pala (Piterin da [[Šlissel'burgan ujezd|Šlissel'burgan ujezdoiden pohjoine pala) da rajon pidust' linijad Petergof — Rusked Külä — Gatčin (Rusktan külän ujezdan päivlaskmpol'ne pala da Petergofan ujezdan päivnouzmpol'ne pala).