Änine

Änine

Änine vai Änižjärv (venäkelel: Онежское озеро, Онего, karjalan kelel: Oniegu, suomen kelel: Ääninen, Äänisjärvi) om järv Venäläižen Federacijan evropalaižen lodepoles, Karjalan Tazovaldkundas, Leningradan da Vologdan agjoiš. Se om toine järv pindan mödhe Evropas rindataden Ladogjärvhe. Änine om Atlatižen valdmeren Baltijanmeren basseinan järv.

Järven pind saridenke om läz 9700 km². Veden mülü järves om 285 km³. Piduz pohjoižespäi suvehepäi om 245 km, kaikiš suremb leveduz om 91,6 km. Keskmäine süvüz om 30 m, kaikiš suremb süvüz om 127 m. 50 joged langetas järvhe, no vaiše üks' - Süvär' (Svir') - lähteb Änižespäi. Änižen randal om 3 lidnad: Petroskoi, Kondopog da Medvežjegorsk.

Änižes om 1650 sared. Niiden pind om 224 km². Sariden lugus om Kiži-sar', kudambal om 89 pušt arhitekturan muštpacast XV-XX voz'sadoid (časounäd, pühäkodid, küläpertidid, mellicad da aitod). Nece keraduz om pandud UNESCO:n mail’man kal’huziden nimikirjuteshe. Änižen päivnouzmrandal om 1200 petroglifad (IV - II voz'tuhad edel meiden erad).

Irdkosketused

• Fotoal'bom «Ladog da Änine» (venäkelel)
• Änine. Karjal: turistine portal (venäkelel)