Kuritib

Kuritib
Curitiba

Lidnanznam	Flag
Valdkund	Brazilii
Eläjiden lugu (2014)	1,864,416 ristitud
Pind	435,036 km²
Pämez'	Gustavu Fruet (2013-)
Telefonkod	+55−41
Aigvö	UTC−3

Kuritib (port.: Curitiba [kuɾiˈtʃibɐ]) om lidn-millioner Brazilijan suves. Se om Paran-štatan administrativine keskuz da sen surembaine lidn.

Vl 2013 eläjiden lugu oli 1 848 943 ristitud, lidnaglomeracijas — 3 210 000 ristitud (seičemenz' sija valdkundas). Lidnanümbrikon pind — 435,036 km², sidä kesken lidnanlaptoiden — 319,4 km².

Lidn sijadase mägiplatol, nellän penen jogen vezivaradimidenke randoil, 934 metrad keskkorktusil, 110 km päivlaskmpolehe Atlantižen valdmeren randpolespäi. Klimat om meren da mägiden subtropine.

Lidnan aluz oli pandud vl 1693 keväz'kun 29. päiväl.

Vl 1912 ezmäižen Brazilijan universitetan aluz oli pandud Kuritibha, se om Paranan federaline universitet.

Kuritib om avtoiden tegijoiden kahtenz' surtte keskuz Latinižes Amerikas. Vodes läz 2 mln turistad tuldas neche puhthaze ekologižešti lidnha.

Rahvahidenkeskeine Afonsu Penan nimel nimitadud civiline lendimport (CWB) sijadase 18 km suvipäivnouzmpolehe lidnan keskusespäi. Metrod ei ole, avtobusoiden pigatranzitan sistem om.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.