Ul'janovskan agj

Ul'janovskan agj
Ульяновская область

Ul'janovskan agjan flag Ul'janovskan agjan znam
Pälidn	Ul'janovsk
Pind - Ühtes - saum vezid (%).	59-nz' 37 181 km² 5,4
Eläjiden lugu - Kaik - Sageduz	1,262,549 ristitud (2015) 33,96 rist./km²
Federaline ümbrik	Volgaveren
Venäman ekonomine region	Volganrandaline
Valdkundkel' (-keled)	venäkel'
Gubernator	Sergei Morozov
Avtokod	73, 173
Aigvöd	UTC+3 (MSK+0)

Ul'janovskan agj (ven.: Ульяновская область) om Venälaižen Federacijan subjekt.

Se mülüb Volgaveren federaližhe ümbrikho.

Agjan administrativine keskuz da surembaine lidn om Ul'janovsk.

Keled

Valdkundkel' om üks'jäine — venäkel'.

Istorii

Ul'janovskan agj om olmas vl 1943 vilukun 19. päivälpäi.

Geografijan andmused

Ul'janovskan agjan reljefan kart.

Agj röunatab Samaran agjanke päivnouzmas, Saratovan agjanke suves, Penzan agjanke da Mordovijan Tazovaldkundanke päivlaskmas, Čuvašijan da Tatarstanan tazovaldkundoidenke pohjoižes.

Pind om 37 181 km², sidä kesken mec otab territorijan nelländest.

Volg-päjogi jokseb pohjoižespäi suvhe da jagab agjad kahthe palaha. Sen päližajoged oma Sur, Sur' Čeremšan da Svijag.

Londuseližed varad oma kivivoi, turbaz, sauvondmaterialad (mouckivi, lete, savi).

Tobmuz

Agjan pämez' om gubernator, hän-žo agjan ohjastusen ezimez'. Sergei Morozov radab gubernatoran vs 2005 vilukun 6. päiväspäi.

Gubernatoran järgvaličendad lindäs vl 2016 sügüz'kun 18. päiväl.

Eläjad

Vl 2010 kaiken Venäman rahvahanlugemižen mödhe eläjiden lugu oli 1 292 799 ristitud. Kaikutte koumanz' ristit nelläspäi om lidnalaine.

Agjas om kuz' lidnad. Toine sur' lidn (enamba 100 tuh. ristitud) om Dimitrovgrad.

Rahvahad (enamba 1% vl 2010): venälaižed (69,7%), totarlaižed (11,6%), čuvašalaižed (7,4%), mordvinalaižed (3,0%).

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.