Paragvai: Erod versijoiden keskes
-> commons |
p superlativ |
||
Rivi 19: | Rivi 19: | ||
| Aigvö = tal'vel [[UTC]]-4,<br />kezal [[UTC]]-3 |
| Aigvö = tal'vel [[UTC]]-4,<br />kezal [[UTC]]-3 |
||
}} |
}} |
||
'''Paragvai''' ([[ispanijan kel'|isp.]]: ''Paraguay'', [[guaranin kel'|guaranikš]]: ''Paraguái''), täuz' oficialine nimi — '''Paragvain Tazovaldkund''' ([[ispanijan kel'|isp.]]: ''República del Paraguay'', [[guaranin kel'|guaranikš]]: ''Tetã Paraguái''), om mererandatoi valdkund [[Suviamerik]]as. Pälidn da |
'''Paragvai''' ([[ispanijan kel'|isp.]]: ''Paraguay'', [[guaranin kel'|guaranikš]]: ''Paraguái''), täuz' oficialine nimi — '''Paragvain Tazovaldkund''' ([[ispanijan kel'|isp.]]: ''República del Paraguay'', [[guaranin kel'|guaranikš]]: ''Tetã Paraguái''), om mererandatoi valdkund [[Suviamerik]]as. Pälidn da kaikiš suremb lidn om [[Asunsjon]]. |
||
== Istorii == |
== Istorii == |
Vajehtuz 5. Kezaku 2016, kell 10:45
Flag |
Valdkundznam |
Pälidn | Asunsjon |
Eläjiden lugu (2012) | 6,672,633[1] ristitud |
Pind | 406,752[2] km² |
Kel' | ispanijan, guaranin |
Valdkundan pämez' | Horasio Kartes |
Päministr | hän-žo |
Religii | hristanuskond |
Valüt | paragvain guarani (PYG) |
Internet-domen | .py |
Telefonkod | +595 |
Aigvö | tal'vel UTC-4, kezal UTC-3 |
Paragvai (isp.: Paraguay, guaranikš: Paraguái), täuz' oficialine nimi — Paragvain Tazovaldkund (isp.: República del Paraguay, guaranikš: Tetã Paraguái), om mererandatoi valdkund Suviamerikas. Pälidn da kaikiš suremb lidn om Asunsjon.
Istorii
Vl 1811 semendkun 14. päiväl Paragvai tedoti ičeze ripmatomudes Ispanijaspäi, se oli tundištadud toižel päiväl.
Jäl'gmäine Konstitucii[3] oli vahvištadud vl 1992 da tuli väghe.
Geografižed andmused
Paragvai om mavaldkundröunoiš Brazilijanke pohjoižpäivnouzmas da päivnouzmas (röunan piduz — 1371 km), Argentinanke suves da suvipäivlaskmas (2531 km), Bolivijanke lodehes (753 km). Ühthine röunoiden piduz om 4655 km. Valdkundan pind om 406,752 km². Saum vezid — 2,6%. Paragvai om mererandatoi valdkund.
Valdkundan kaikiš korktemb čokkoim om Cerro Pero (Cerro Tres Kandu)-kukhaz (842 m). Kaikiš madalamb čokkoim om Paragvai- da Paran-jogiden ühthejoksmusen sija, 46 metrad valdmeren pindan päl.
Londuseližed varad oma raudkivend, marganc, mouckivi, mec, gidroenergii.
Politine sistem
Ohjandusen form om unitarine konstitucine prezidentine tazovaldkund äjiden partijoiden sistemanke. Valdkundan pämez' da azekhiden vägiden päkäsknik om prezident. Kaik rahvaz valičeb händast videks vodeks, toižen strokun voimuseta. Üks' varaprezident om hänele abhu. Prezident paneb ohjastusen ministrid da agjoiden pämehid radnikusile. Enzne prezident tegese Senatan ühtnijaks ičeze elon pitte, no änestada siš hänele ei sa.
Parlament om kaks'kodine Nacionaline Kongress (isp.: Congreso Nacional). Sen ühtnijoile sab ületada prezidentan kel'dod da heitta prezidentad ministridenke radmaspäi. Kaik rahvaz änestab heid videks vodeks. Üläkodi om Senatoriden Kodi (isp.: Cámara de Senadores) 45 ühtnijanke. Alakodi om Ezitajiden Kodi (isp.: Cámara de Diputados) 80 deputatanke.
Paragvain päjärgvaličendad oliba vl 2013 sulakun 21. päiväl, valitihe prezidentad da parlamentan ühtnijoid. Nügüdläine prezident om Horasio Kartes (sai 48,48%).
Administrativiž-territorialine jagand
Kacu kirjutuz: Paragvain administrativiž-territorialine jagand.
Paragvai alajagase 18 regionha: 17 agjad (departamentad) da üks' Asunsjon-pälidnan ümbrik.
Eläjad
Paragvaiš elädas paragvajalaižed.
Toižed sured lidnad (enamba 300 tuh. ristitud vl 2014, surembaspäi penembha): San Lorenso, Sjudad Del' Este, Luke, Fernando-de-la-Mor, Lambare, Pedro Huan Kabal'jero. Vl 2014 kaik oli 15 lidnad enamba 100 tuh. eläjidenke.
Ižanduz
Paragvain päeksport om sojanbabud (50%, sidä kesken 7% — kabusemned sötamha živatoid, 4% — soivoi), lehmänliha (15%), elektruz (6%), kukuruz (6%); toine eksport — nižu (4%), lehmännahk (2%), ris (1%), rogosahar (1%).
Vl 2013 Urugvai, Brazilii, Argentin da Venäma oliba Paragvain 60% eksportan partnörikš.
Vl 2012 Brazilii, Kitai, Argentin da AÜV oliba Paragvain 60% importan partnörikš.
Homaičendad
- ↑ Evolución de la Población Total. Periodo: 1950 - 2002. Proyección 2012. — Dirección General de Estadísticas, Encuestas y Censos (DGEEC). — Dgeec.gov.py. (isp.)
- ↑ Paragvain pind. — Mail'man faktoiden kirj (Cia.gov). (angl.)
- ↑ Paragvain Konstitucijan tekst (1992) vn 2011 vajehtusidenke. — Pdba.georgetown.edu. (isp.)
Irdkosketused
- Paragvain ohjastusen oficialine sait. (isp.)
- Paragvain Statistikan, küzundlehtesiden da rahvahanlugemižiden direkcii (DGEEC). (isp.)
Paragvai Vikiaitas |
Suviamerikan valdkundad | ||
Argentin | Bolivii | Brazilii | Čili | Ekvador | Gajan | Kolumbii | Paragvai | Peru | Surinam | Urugvai | Venesuel | ||