Pätigorsk

Pätigorsk
Пятигорск

Lidnanznam	Flag
Valdkund	Venäma
Eläjiden lugu (2015)	145,971 ristitud
Pind	97 km²
Pämez'	Lev Travnev (2015-)
Telefonkod	+7−8793-xxx-xxx
Avtokod	26, 126
Aigvö	UTC+3 (MSK+0)

Pätigorsk (ven.: Пятигорск, kab. da čerk.: Псыхуабэ) om Venäman lidn da lebutaho Stavropolin randan suves. Se om randan kahtenz' surtte lidn.

Vs 2010 vilukun 19. päiväspäi Pätigorsk om Pohjoižkavkazan federaližen ümbrikon pälidn.

Pätigorsk-lidnan ohjastusen pert'.

Istorii

Eländpunktan aluz om pandud vl 1780 kuti Konstantinogorskan lidnuz. Goräčevodsk-žilo (Hulad Veded) sai lidnan statusad vl 1830 uden nügüdläižen nimenke, läheseižujan (lidnha ei mülü) izoliruidud Beštau-mägen mödhe (kab. da čerk. «Beštau» — «viž-mägi», 1401 m).

Geografijan andmused

Lidn sijadase Podkumk-jogen randal (Kumanjogen oiged ližajogi), Mašuk-mägen (993 m) pautkil da pohjanno, 500-600 m korktusil. Matkad Stavropolihesai om läz 150 km lodeheze. Pätigorsk alajagase 6 lidnanlaptha Energetik-žilonke.

Ižanduz

Ižandusen päsarakod oma turizm, sömtegimišt, omblendtegimišt, mašinoidensauvomine, torguind. Lidn sab reskveden Kubanišpäi vezivedon kal't. Pätigorsk-raudtestancii sijadase Mineraližed Veded — Kislovodsk raudtel. Kaik om 4 raudtestancijad da 1 platform lidnan röunoiš.

Eläjad

Vl 2010 eläjiden lugu oli 142 511 ristitud.

Rahvahad (enamba 1%, vn 2010 Venäman rahvahanlugemižen mödhe): venälaižed — 71,5%, armenijalaižed — 13,3%, azerbaidžanlaižed — 3,1%, ukrainalaižed — 1,8%, kabardalaižed — 1,2%; toižed — 8,4%, rahvahuden ozutandata — 0,7%.

Irdkosketused

• Pätigorsk-lidnan tobmuden aluskundoiden oficialine sait. (ven.)