Igark

Igark
Игарка

Lidnanznam	Flag
Valdkund	Venäma
Eläjiden lugu (2016)	4,975 ristitud
Pind	9,8 km²
Pämez'	Evgenii Nikitin (2017—)
Telefonkod	+7−39 172-xx-xxx
Avtokod	24, 84, 88, 124
Aigvö	UTC+7 (MSK+4)

Igark (ven.: Игарка) om Venäman lidn da port Jenisei-jogen Igarkan hijaman oiktal randal, Krasnojarskan randas. Se om Igarkan lidnankundan üks'jäine eländpunkt, sijadase Turuhanskan rajonas.

Istorii

Eländpunktan aluz om pandud vl 1929 kuti jogiport vedamha ujuden mecad. Om nimitadud jogen mödhe. Igark sai lidnan statusad vl 1931.

Geografijan andmused

Lidn sijadase randan lodehes, Pohjoižen nabakehkruden südäimes, igähižen rougun zonas, 20 m korktusel valdmeren pindan päl. Matkad Krasnojarskhasai om 1287 km suvhe orhal vai 1800 km jogedme, Turuhansk-rajonkeskushesai 195 km suvipäivnouzmha orhal, se sijadase Jenisein ülezjogen. Lähembaižed järedad lidnad oma Noril'sk pohjoižhe (220 km orhal) i Uz' Urengoi päivlaskmha (460 km orhal).

Klimat om subarktine, terav kontinentaline, luja vilu oleleb tal'vel. Kavag'mec ümbärdab lidnad 10..20 m kortte. Voden keskmäine lämuz om —8,2 C°. Paneb sadegid 494 mm vodes, enamba kezakus-redukus (50-60 mm kus).

Eläjad da transport

Vn 2010 Venäman rahvahanlugemižen mödhe eläjiden lugu oli 6 183 ristitud. Kaikiš suremb ristitišt oli vl 1939 — 23 600 eläjad. Igähižen rougun muzei sijadase lidnas.

Merilaivad tuldas jogiportha, se sijadase 673 kilometras Jenisein jogensuspäi. Tatanmaine civiline Igark-lendimport (IAA / ИГР) sijadase 2 km suvipäivnouzmha lidnaspäi, Jenisein Igarkan sarel, tehtas reisid Novosibirskha, Tümenin agjan ümbrikoihe da Krasnojarskan randadme, sidä kesken čarterid i punolendimil.

Irdkosketused

• Lidnan informacine sait (igarkacity.info). (ven.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.