Kampal

Vikipedii-späi
Kampal
Kampala (angl. i suahili)
Valdkund Ugand
Eläjiden lugu (2014) 1,516,210 ristitud
Pind 189 km²
Kampal Kampala (angl. i suahili)
Pämez' Erias Lukvago
(viluku 2011—)
Telefonkod +256-(0)41
Aigvö UTC+3


Kampal (angl. i suah.: Kampala) om Ugandan pälidn da kaikiš suremb lidn. Se om Ugandan Keskagjan pälidn mugažo, ičeksaz — üks' 112 ümbrikospäi (Kampal-ümbrik).

Lidn om valdkundan politikan, ižandusen da opendusen päkeskuz.

Istorii[vajehta | vajehtada tekst]

Eländpunktan aluz om pandud vl 1890 Suren Britanijan F. Lugard-kolonistal mectuztahon sijas.

Vl 1906 Kampal kändihe lidnaks, sid' lidn šingotihe Bugand-kunigahusen pälidnaks. Vspäi 1962 Kampal om Ugandan pälidn sen ripmatomuden sandan jäl'ghe.

Geografijan andmused[vajehta | vajehtada tekst]

Lidn sijadase läz Viktorii-järven pohjošt randištod. Kampalan avanport om Port Bell 10 kilometrad suvhe lidnaspäi.

Klimat om subekvatorialine pehmed vihmmecoiden. Kun päiväline kesklämuz om +22..+23 C° vodes läbi. Paneb sadegid 1265 mm vodes, sidä kesken om kaks' kuivahkod sezonad: viluku-uhoku (131 mm) da kezaku-heinku (132 mm).

Eläjad[vajehta | vajehtada tekst]

Vn 2014 Ugandan rahvahanlugemižen mödhe lidnan eläjiden lugu oli 1 516 210 ristitud[1], läz 2 mln ristituid elihe ezilidnoidenke. Kaikiš suremb lidnan ristitišt om nügüd'.

Transport[vajehta | vajehtada tekst]

Maršruttaksid i motociklad-taksid («boda-bod:ad») oma kundaližeks transportaks. Kampal ühtenzoitase raudtel Kenijan Nairobi-pälidnanke.

Rahvahidenkeskeine Entebbe-lendimport (EBB, 1,8 mln passažiroid vl 2018) om olmas vspäi 1927. Se sijadase 41 km suvipäivlaskmha avtotedme Kampalan rahaazjoiden keskusespäi Entebbe-lidnas (oli britanižen kolonialižen administracijan pälidnaks). Lendimportal soda- da civiline kävutand om olmas. Sišpäi da sihe tehtas reisid Afrikan, Päivlaskmaižen Evropan da Päivlaskmaižen Azijan verhiže maihe.

Homaičendad[vajehta | vajehtada tekst]

  1. Table 2.5.3. Population of the 20 Largest Urban Centres, 1991-2014 // National Population and Housing Census 2014. Provisional results (Valdkundan ristitišt i kodiden rahvahanlugemine-2014). — Ugandan Statistikan büron sait (ubos.org). — Lp. 19. (angl.)

Irdkosketused[vajehta | vajehtada tekst]


Afrikan pälidnad
Abudž | Addis-Abeb | Akkr | Alžir-lidn | Antananarivu | Asmar | Bamako | Bangi | Banžul | Bisau | Brazzavil' | Dakar | Dodom | Džibuti-lidn | Džub | Fritaun | Gaborone | Giteg | Harare | Hartum | Jamusukro | Jaunde | Kair | Kampal | Kigali | Kinšas | Konakri | Librevil' | Lilongve | Lome | Luand | Lusak | Malabo | Maputu | Maseru | Mbabane | Mogadišo | Monrovii | Moroni | Nairobi | Ndžamen | Niamei | Nuakšot | Port Lui | Porto Novo | Prai | Pretorii | Rabat | San Tome | Tripoli | Tunis-lidn | Uagadugu | Viktorii | Vindhuk