Kaolak

Vikipedii-späi
Kaolak
Kaolack
Valdkund Senegal
Eläjiden lugu (2007) 185,976 ristitud
Kaolak Kaolack
Pämez' Serin' Mbup
(mandat 2022−2027,
Serigne Mboup)
Telefonkod +221-
Aigvö UTC+0


Kaolak (franc.: Kaolack, arab.: كاولاك Kaolak, volof.: Kawlax) om lidn Senegalan päivlaskmas. Se om valdkundan videnz' lidn eläjiden lugun mödhe, Kaolakan agjan administrativine keskuz. Islaman znamasine openduzkeskuz.

Istorii[vajehta | vajehtada tekst]

Kagone-eländpunkt oli tetab 16. voz'sadaspäi, se oli Salum-kunigahusen (1494–1969) pälidn da torguindkeskuz. Vspäi 1911 raudtejono ühtenzoiti Dakarad Francine Sudan-kolonijan (nüg. Mali) Kajes-lidnanke, sid' sen kolonijan Bamako-pälidnanke Niger-jogen randal, i Kaolakan ristitišt ližadui lujas. Kagone om Kaolakan päivnouzmaižeks palaks nügüd'.

Kaolak šingotase 19. voz'sadaspäi sijaližen arahisan ümbriradmižel i voin samižel sišpäi, järedal torgusel znamasižiden avtoteiden ristikoičendanno. Keitandsolan samine tegese pidust' joged lidnanno.

Geografijan andmused[vajehta | vajehtada tekst]

Lidn sijadase agjan pohjoižpalas, Salum-jogen (franc.: Saloum, lankteb valdmerhe) oiktal pohjoižel randal, 22 m ü.m.t. keskmäižel korktusel. Jogi kändase laivjogeks lidnas, torguindjogiport radab.

Kaks'kümnekilometrine raudtesarak ühtenzoitab lidnad «Dakar — Bamako»-raudtenke. Matkad Dakar-pälidnhasai om 150 km lodeheze mantedme.

Klimat om tropine räk kaks'sezonine. Voden keskmäine lämuz om +28,6 C°, kuidme +26..+31 C°. Paneb sadegid 611 mm vodes, läz kaikid niid paneb heinkus-sügüz'kus (135..220 mm kus), kuivan sezonan hätkeližuz om seičeme kud (kül'mku-semendku, 9 mm pordos).

Eläjad[vajehta | vajehtada tekst]

Vn 1988 Senegalan rahvahanlugemižen mödhe lidnan eläjiden lugu oli 150 961 ristitud. Vl 2002 lidnan ristitišt oli 172 305 ristitud, agjan nelländez.

Homaičendad[vajehta | vajehtada tekst]