Koprivnic

Vikipedii-späi
Koprivnic
Koprivnica
Flag
Valdkund Horvatii
Eläjiden lugu (2021) 28,580 ristitud
Pind 90,94 km²
Koprivnic Koprivnica
Pämez' Mišel' Jakšič
(2013—,
Mišel Jakšić)
Telefonkod +385-(0)48
Aigvö tal'vel UTC+1,
kezal UTC+2


Koprivnic (horv.: Koprivnica [kɔ̝̌priːv̞nit͡sa], mad'j.: Kapronca) om lidn Horvatijan pohjoižes. Se om Koprivnican da Križevcin ümbrikon administrativine keskuz da kaikiš suremb lidn.

Istorii[vajehta | vajehtada tekst]

Eländpunkt mainitase ezmäižen kerdan vl 1272. Se sai lidnan oiktusid vl 1356.

Koprivnic šingotase sömtegimištol (sen kaikiš järedamb valdkundas «Podravka»-kompanii, oludtegim), himižel tegimel i pun ümbriradmižel.

Geografijan andmused[vajehta | vajehtada tekst]

Lidn sijadase «ZagrebBudapešt»-keskustan transportteil, 149 m ü.m.t. keskmäižel korktusel. Matkad Mad'jaranman röunhasai om 10 km pohjoižpäivnouzmha, Zagreb-pälidnhasai om 75 km suvipäivlaskmha.

Koprivnican municipalitet mülütab kahesa tošt eländpunktad lidnan ližaks, niišpäi kaikiš suremb om Starigrad (2248 rist. vl 2021).

Eläjad[vajehta | vajehtada tekst]

Vn 2011 Horvatijan rahvahanlugemižen mödhe municipalitetan eläjiden lugu oli 30 854 ristitud, sidä kesken lidnan 23 955 ristitud. Kaikiš suremb municipalitetan ristitišt oli 29..31 tuhad eläjid vll 1991−2011 (30 994 rist. vl 2001). Vl 2021 lidnan ristitišt oli 22 262 eläjad.

Pohjoine universitet[1] (horv.: Sveučilište Sjever, 5,2 tuh. üläopenikoid vl 2021) radab Koprivnicas i Varaždin-lidnas vspäi 2015.

Homaičendad[vajehta | vajehtada tekst]

  1. Horvatijan Pohjoižen universitetan sait (unin.hr). (horv.) (angl.)

Irdkosketused[vajehta | vajehtada tekst]