Korkino

Vikipedii-späi
Korkino
Коркино
 Lidnanznam
 Flag
Valdkund Venäma
Eläjiden lugu (2020) 34,014 ristitud
Pind 30 km²
Korkino Коркино
Telefonkod +7−35 152-xx-xxx
Avtokod 74, 174
Aigvö UTC+5 (MSK+2)


Korkino (ven.: Ко́ркино, mugažo totaran i baškiran kelil) om Venäman lidn Čeläbinskan agjan keskuzpalan päivnouzmas. Se om Čeläbinskan suvine ezilidn, Korkinon ümbrikon (edel 2022. vot rajonan) administrativine keskuz.

Istorii[vajehta | vajehtada tekst]

Eländpunktan aluz om pandud vl 1746 kuti pen' Korkinankülä (ven.: деревня Коркина), mainitaškanzihe dokumentoiš vspäi 1789. Kätihe Korkinskii-radnikžiloks vl 1932, radoihe buran hilen löudmižsijad (avaitihe vl 1931). Korkino sai lidnan statusad vn 1942 2. päiväl redukud. Buran hilen samine tuli lophu vl 2017, no hilen sured varad oma olmas völ.

Korkino šingotase kartonfabrikal, stöklantegimel[1] (stökolbankad), ekskavatoriden da vagonoiden kohenduztegimel, sauvondmaterialiden pästandal (cement, raudbetontegesed, torviden izoläcijan i antikoran tegim, keramižen savičun tegim), sömtegimištol (konditerine fabrik).

Geografijan andmused[vajehta | vajehtada tekst]

Lidn sijadase rajonan päivnouzmas, 243 m ü.m.t. keskmäižel korktusel. Buran hilen järed kar'jer om lidnan pohjoižpäivnouzmas, se om kahtenz' surtte mail'mas: seičeme kilometrad diametral i enamba mi 500 m süvütte. Matkad Čeläbinskan röunhasai om 12 km pohjoižhe orhal vai 17 km avtotel, keskushesai — 30 km pohjoižhe orhal vai 42 km avtotedme. Toine lähembaine lidn om Jemanželinsk 15 km suvhe orhal vai avtotedme.

«Čeläbinsk — Troick»-avtote om lidnan päivlaskmaižeks röunaks. Korkino-raudtestancii radab vaiše jüguiden täht kümnekilometrižel sarakol «Čeläbinsk — Troick»-keskustaspäi.

Tobmuz[vajehta | vajehtada tekst]

Dubrovka-Čeläbinskai-žilo raudtestancijanno (810 rist. vl 2010) i Dubrovk-külä (142 rist. vl 2010) mülüihe lidnankundha Korkinon ližaks edel 2022. vot. Lidnankundan pind oli 48,8 km².

Jäl'gmäižed lidnankundan pämehed (Administracijan pämehed) oma Vadim Galämov (viluku 2021 — tal'vku 2022), Dmitrii Gatov (viluku 2016 — kül'mku 2020).

Eläjad[vajehta | vajehtada tekst]

Vl 1989 lidnan ristitišt oli 45 198 eläjad. Vn 2010 Venäman rahvahanlugemižen mödhe lidnan eläjiden lugu oli 38 596 ristitud, lidnankundan — 39 549 ristitud, rajonan koume videndest. Kaik 34 967 ristitud elihe lidnas i 35 874 ristitud kaikes lidnankundas vl 2017. Kaikiš suremb lidnan ristitišt oli 83..84 tuhad eläjid vll 1959−1967 (84 962 rist. vl 1959).

Rahvahad (2010): venälaižed — 87,8 %, totarlaižed — 3,2 %, ukrainalaižed — 2,2 %, saksalaižed — 2,0 %, toižed rahvahad — 4,8 %.

Ortodoksižen hristanuskondan phh. Pedroin i Pauloin jumalanpert'[2] om saudud Korkinos vl 1888.

Professionaližen opendusen aluzkundad oma Korkinon kaivuzsauvondan tehnikum[3] i Čeläbinskan sömindustrijan da torguindan valdkundaližkolledžan Korkinon filial (ende Korkinon sömtegimišton tehnikum).

Galerei[vajehta | vajehtada tekst]

Homaičendad[vajehta | vajehtada tekst]

  1. Korkinon stöklantegimen sait (ksz74.ru). (ven.)
  2. Korkinon pühäpertid sobory.ru-saital. (ven.)
  3. Korkinon kaivuzsauvondan tehnikuman sait (kgst.ru). (ven.) (+ äikel'ne avtomatine känduz)

Irdkosketused[vajehta | vajehtada tekst]



Čeläbinskan agjan lidnad
| Bakal | Čebarkul' | Čeläbinsk | Jemanželinsk | Jurüzan' | Karabaš | Kartali | Kasli | Katav-Ivanovsk | Kištim | Kopeisk | Korkino | Kus | Magnitogorsk | Miass | Min'jar | Näzepetrovsk | Ozörsk | Plast | Satk | Sim | Snežinsk | Suviural'sk | Zlatoust | Troick | Tröhgornii | Ust'-Katav | Üläufalei | Üläural'sk