Melenkad
Lidnanznam
|
Flag
|
| Valdkund | Venäma |
| Eläjiden lugu (2021) | 13,269 ristitud |
| Pind | 10,86 km² |
| |
| Pämez' | Jelena Välova (kül'mku 2019—) |
| Telefonkod | +7−49 247-xx-xxx |
| Avtokod | 33 |
| Aigvö | UTC+3 (MSK+0) |
Melenkad (ven.: Ме́ленки) om Venäman lidn da lidnankund Vladimiran agjan suvipäivnouzmas. Se om Melenkan rajonan administrativine keskuz da üks'jäine lidn.
Istorii[vajehta | vajehtada tekst]
Eländpunktan aluz om pandud 17. voz'sadan lopus kuti Rogožino-külä. Vspäi 1709 se om nügüdläiženke nimenke. Külä sai lidnan statusad vl 1778. Melenkad tegihe vanhuskolaižiden eländtahoks. Nevondkundaližen tobmuden aigan panihe mantazole kaikid religijan sauvusid kellčuhunduses päiči (1878) i saudihe NSTÜ:n simvolid: Leninan muštpacaz, «Junost'»-kinoteatr.
Melenkan ižandusen päsarakod oma radioelektroladimiden tehmine (Jelat'man tegimen alajaguz), sömtegimišt (leibäntegim, konservtegim), meblin tehmine, räzinsapkoiden da brezentsoban pästand, mugažo järed valamiž-mehanine tegim om olmas.
Geografijan andmused[vajehta | vajehtada tekst]
Lidn sijadase Meščoran alangištos, Unžanjogen randal (Okan hura ližajogi), 130 m ü.m.t. keskmäižel korktusel. Matkad Vladimirhasai om 150 km lodeheze avtotedme. Lähembaine järed lidn da raudtestancii om Murom 39 km pohjoižpäivnouzmha avtotedme.
Melenkad oma lidnankundan üks'jäine eländpunkt.
Eläjad[vajehta | vajehtada tekst]
Vn 2010 Venäman rahvahanlugemižen mödhe eläjiden lugu oli 15 206 ristitud, rajonan ristitišton kaks' videndest. Kaikiš suremb ristitišt oli läz 18 tuhad eläjid vozil 1967−1998 (18 545 rist. vl 1970).
Ortodoksižen hristanuskondan nell' pühäpertid[1] oma saudud Melenkihe: koume jumalanpertid i časoun', sidä kesken vanhuskolaižiden Sündun Ristan Zdviženjan jumalanpert' vll 2010−2016.
Muroman tegimištoliž-gumanitarižen kolledžan filial om professionaližen opendusen aluzkundaks.
Edeline lidnankundan pämez' om Valerii Bogatenkov (reduku 2015 — reduku 2019). Lidnan administracii om likvidiruidud vn 2017 semendkule, sen pämez' oli Valentina Černova.
Galerei[vajehta | vajehtada tekst]
-
Policijan palakundan sauvuz (2018) -
Mikoi-arhangelan kellčuhunduz lidnan kaumžomal, vn 2016 nägu (om saudud vl 1878) -
Zemskovan pert' puižes pertištos vl 2018 -
Škol nomer 1 (2018) -
Kodirandantedištandmuzei (2018, ende traktir)
Homaičendad[vajehta | vajehtada tekst]
Irdkosketused[vajehta | vajehtada tekst]
 |
Melenkad Vikiaitas |
| Vladimiran agjan lidnad | ||
| Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad | ||