Neftekumsk

Vikipedii-späi
Neftekumsk
Нефтекумск
 Lidnanznam
 Flag
Valdkund Venäma
Eläjiden lugu (2021) 23,137 ristitud
Pind 20 km²
Neftekumsk Нефтекумск
Telefonkod +7−86 558-xx-xxx
Avtokod 26, 126
Aigvö UTC+3 (MSK+0)


Neftekumsk (ven.: Нефтеку́мск) om Venäman lidn Stavropolin randan päivnouzmas. Se om Neftekumskan lidnümbrikon (edel vn 2017 semendkud — rajonan) administrativine keskuz, mülüi sihe ende-ki.

Istorii[vajehta | vajehtada tekst]

Eländpunktan aluz om pandud vl 1958 samha kivivoid. Vl 1965 kätihe uden rajonan keskuseks. Radnikžilo sai lidnan statusad vl 1968.

Neftekumsk šingotase kivivoin samižel tähäsai (läz 1 mln tonnoid vodes), mugažo leibtegim i maidtegim ratas lidnas.

Geografijan andmused[vajehta | vajehtada tekst]

Lidn sijadase Nogain stepiš, Kumanjogen oiktal randpolel, vides kilometras jogespäi, 40 m keskmäižel korktusel valdmeren pindan päl. Matkad Stavropolihesai om 276 km päivlaskmha. Lähembaižed lidnad oma Suvisuhokumsk (Dagestan) 60 km päivnouzmha avtotedme i Budönnovsk 70 km päivlaskmha avtol.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 27 687 ristitud, rajonan kaks' videndest. Vl 2018 lidnan ristitišt oli 24 763 eläjad. Kaikiš suremb ristitišt oli 27 703 eläjad vl 2011.

Rahvahad (enamba 1% vl 2010): venälaižed — 75,5%, darginalaižed — 7,0%, nogailaižed — 3,4%, totarlaižed — 3,2%, armenijalaižed — 1,9%, turkmenalaižed — 1,7%, avarad — 1,0%, toižed rahvahad — 6,0%, rahvahuden oztandata — 0,3%.

Ortodoksižen hristanuskondan nell' pühäpertid[1] oma saudud lidnas: ph. Sergii Radonežalaižen jumalanpert' (om letud vll 1992−2003) i koume časounäd. Islaman džuma-mečet' i loičendpert' oma avaitud.

Neftekumskan regionaline politehnine kolledž[2] om lidnan profopendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Neftekumskan pühäpertid sobory.ru-saital. (ven.)
  2. Neftekumskan regionaližen politehnižen kolledžan sait (nrpk.info). (ven.)

Irdkosketused[vajehta | vajehtada tekst]



Stavropolin randan lidnad
Blagodarnii | Budönnovsk | Georgijevsk | Ipatovo | Izobil'nii | Jessentukad | Kislovodsk | Lermontov | Mihailovsk | Mineraližed Veded | Neftekumsk | Nevinnomissk | Novoaleksandrovsk | Novopavlovsk | Pätigorsk | Stavropol' | Svetlograd | Zelenokumsk | Železnovodsk