Olenegorsk

Vikipedii-späi
Olenegorsk
Оленегорск
 Lidnanznam
 Flag
Valdkund Venäma
Eläjiden lugu (2022) 19,533 ristitud
Pind 38,8 km²
Olenegorsk Оленегорск
Pämez' Ivan Lebedev
(tal'vku 2021—)
Telefonkod +7−81 552-xx-xxx
Avtokod 51
Aigvö UTC+3 (MSK+0)


Olenegorsk (ven.: Оленего́рск, ukr.: Оленєгорськ) om Venäman lidn Murmanskan agjan keskuzpalas. Se om Olenegorskan lidnümbrikon administrativine keskuz, täuz' oficialine nimituz — «Olenegorsk-lidn alištunudenke territorijanke».

Istorii[vajehta | vajehtada tekst]

Saudihe Olen'ja-raudtestancijad (nüg. Olenegorsk-stancii) vl 1916 kaiken Murmanskan raudten ühtes. Nügüd'aigaižen eländpunktan aluz om pandud vl 1949 Olen'ja-radnikžiloks samha raudkivendod. Se sai lidnan statusad nügüdläiženke nimenke vl 1957.

Olenegorskan ižandusen päsarakod oma kaivuztegimišt (raudkivendon koncentrat i üläkoncentrat, raudasiž-stroncijasine tuhk), sauvondmaterialiden tehmine (silikatine savič, šebin'), standartatoman mašiništon i varapaloiden pästand kaivuzmetallurgižiden edheotandoiden täht, raudasižed valamižtegesed.

Geografijan andmused[vajehta | vajehtada tekst]

Lidn sijadase Permusjärven suvipäivlaskmaižel randal (ven.: Пермусозеро 24 km² pindanke, Vauktan meren bassein), 151 m ü.m.t. keskmäižel korktusel. Kaivuzkombinat sijadase ani lodeheze lidnaspäi, Kahjärven randal (ven.: Кахозеро, 11 km², Barencan meren bassein). Matkad Murmanskhasai om 94 km pohjoižhe orhal, 105 km raudtedme vai «Kol»-avtotedme. Lähembaine lidn om Mončegorsk 35 km suvipäivlaskmha niil-žo teil.

Visokii-sodaeländpunkt («korged», 6860 rist. vl 2010), kaks' pen't raudtestancijad da pen' Imandr-külä mülüdas lidnümbrikho Olenegorskan ližaks. Lidnümbrikon pind om 1889 nellikkilometrad.

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 23 072 ristitud, lidnümbrikon — 30 021 ristitud. Kaikiš suremb lidnan ristitišt oli 35 800 eläjid vl 1992. Vl 2017 kaik 21 039 ristitud elihe lidnas i 29 849 ristitud kaikes lidnümbrikos.

Rahvahad (vl 2010, lidnümbrik, enamba 1%, ozutadud rahvahudenke): venälaižed — 89,3%, ukrainalaižed — 5,1%, vaugedvenälaižed — 1,8%, toižed rahvahad — 3,8%.

Ortodoksižen hristanuskondan koume jumalanpertid[1] oma olmas lidnas: kaks' jumalanpertid i časoun'.

Professionaližen opendusen aluzkundad: kaivuztegimišton kolledž[2], Hibinoiden tehnižen kolledžan filial, Murmanskan, Petroskoin i Moskvan üläopendusen aluzkundoiden koume filialad.

Edeline lidnümbrikon pämez' om Oleg Samarskii (sügüz'ku 2013 — sügüz'ku 2021).

Transport[vajehta | vajehtada tekst]

Kundaline avtobusmaršrut ühtenzoitab lidnad aviabazanke. Aviabaz sijadase Visokii-sodažilos päivnouzmha lidnaspäi, Permusjärven vastrandal.

Ezilidnelektrojonuz ajab Murmanskhasai i Apatitoihesai. Raudte i «Kol»-avtote oma lidnan päivnouzmaižeks röunaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Olenegorskan pühäpertid sobory.ru-saital. (ven.)
  2. Olenegorskan kaivuztegimišton kolledžan sait (olgpk.ru). (ven.)

Irdkosketused[vajehta | vajehtada tekst]



Murmanskan agjan lidnad
Apatitad | Gadžijevo | Kandalakš | Kirovsk | Kol | Kovdor | Mončegorsk | Murmansk | Olenegorsk | Ostrovnoi | Polärnii | Polärnije Zori | Severomorsk | Snežnogorsk | Zaozörsk | Zapolärnii