Plovdiv

Vikipedii-späi
Plovdiv
Пловдив
 Lidnanznam
 Flag
Valdkund Bolgarii
Eläjiden lugu (2015) 368 983[1] ristitud
Pind 102 km²
Plovdiv Пловдив
Pämez' Zdravko Dimitrov
(kül'mku 2019—)
Telefonkod +359−32
Aigvö tal'vel UTC+2,
kezal UTC+3


Plovdiv (bolg.: Пловдив [ˈpɫɔvdif]) om Bolgarijan kahtenz' lidn da kund eläjiden lugun mödhe. Se om valdkundan tegimišton znamasine keskuz da transportsol'm, Plovdivan agjan administrativine keskuz.

Istorii[vajehta | vajehtada tekst]

Ezmäižed eländpunktad oliba lidnan territorijal neolitas, 6. voz'tuhal EME. Vl 342 edel m.e. Filipp II Makedonijalaine oti frakijalaižiden lidnad vägel da udesnimiti sidä Filippopol' (grek.: Φιλιππόπολις) ičeze oiktastuseks, Pulpudeva frakijan virkandas. Mainitase 1. voz'sadan EME kirjutadud purtkiš, sil-žo aigal nimitihe lidnad Odris mugažo (nimi vasttase amuižil bronzrahuzil). Rimalaižen imperijan aigan (vspäi 45) lidn oli Frakii-provincijan keskuseks. Amuine avol'jaine teatr om kaičenus tähäsai, frakijan lidnusen seiniden ruinad oma vanhan lidnan röunaks.

Mainitase nügüdläiženke nimitusenke 11. voz'sadaspäi. Lidn oli bolgarižen udessündutamižen keskuseks Ottomanan imperijan tobmuden aigan, konz sen oficialine nimi oli Filibe. Manrehkaidused paniba Plovdivad mantazole vll 1818 i 1928.

Plovdiv šingotase sömtegimištol, mujumetalloiden metallurgijal, himižil edheotandoil, mašinansauvomižel, strategižel aviakohenduztegimel, tekstil'tegimištol (bumagkanghad, šuuk, omblend). Maižanduzrajonan keskuz.

Geografijan andmused[vajehta | vajehtada tekst]

Lidn sijadase valdkundan keskuzpalan suvipäivlaskmas, Üläfrakijan alangos, 164 m ü.m.t. keskmäižel korktusel. Maric-jogi (bolg.: Марица) jagab lidnad kaks'haze. Matkad Sofii-pälidnhasai om 150 km lodeheze-päivlaskmha.

Plovdiv jagase kudeks administrativižeks rajonaks.

Eläjad[vajehta | vajehtada tekst]

Vl 2015 eläjiden lugu oli 368 983 ristitud, ezilidnoidenke — 675 tuhad ristituid. Radinpäivän aigan lidnan ristitišt om 450 tuhad.

Edeline lidnan pämez' om Ivan Totev (reduku 2011 — kül'mku 2019).

Homaičendad[vajehta | vajehtada tekst]

  1. Bolgarijan eländpunktoiden ristitišt vn 2015 15. päiväl keväz'kud. — Bolgarijan Rahvahanikoiden registracijan da administrativižen holitusen radnikoičend (grao.bg). (bolg.)

Irdkosketused[vajehta | vajehtada tekst]