Pul (lidn, Horvatii)

Vikipedii-späi
Pul
Pula
 Lidnanznam
 Flag
Valdkund Horvatii
Eläjiden lugu (2011) 57,460 ristitud
Pind 51,65 km²
Pul Pula
Pämez' Filip Zoričič
(kezaku 2021—,
Filip Zoričić)
Telefonkod +385-(0)52
Aigvö tal'vel UTC+1,
kezal UTC+2


Sil sanal voib olda toižid znamoičendoid; miše nähta niid, tulgat tänna.

Pul (horv.: Pula [pǔːla], ital.: Pola, sloven.: Pulj, saks.: Polei) om Horvatijan lidn valdkundan päivlaskmas. Se om Istrijan ümbrikon (županijan) kaikiš suremb lidn eläjiden lugun mödhe, sen ohjastusen olendsija.

Istorii[vajehta | vajehtada tekst]

Eländpunktan aluz om pandud amuižil grekalaižil vl 177 EME. Mülüi Rimalaižhe imperijha latin.: Pietas Iulia Pola-nimenke. Vll 1150−1797 oli Venecijan Tazovaldkundan palaks, sid' avstrine lidn. Vl 1920−1943 oli Italijan palaks.

Pul šingotase turizmal (äi rimalaižid sauvusid om kaičenus), laivansauvomižel i kalanpüdandal amussai, sauvondan kompanijoil, cementan i stöklan tehmižel, sömtegimištol (vinan pästandan vero).

Geografijan andmused[vajehta | vajehtada tekst]

Lidn sijadase Adriatižen meren merikaranno 38 metrad süvütte, Istrii-pol'saren randal, läz pol'saren nügut, 30 m ü.m.t. keskmäižel korktusel.

Klimat om subtropine Keskmeren, Al'pad kaitas pohjoižtulleid vaste. Voden keskmäine lämuz om +14 C°, heinkun-elokun +23 C°, tal'vkun-uhokun +6..+7 C°. Paneb sadegid 871 mm vodes, kuidme läz tazomäras, vähemba semendkus-heinkus (48..56 mm kus). Meriveden lämuz om +20..+25 C° kezakus-redukus.

Eläjad[vajehta | vajehtada tekst]

Vn 2011 Horvatijan rahvahanlugemižen mödhe lidnan eläjiden lugu oli 57 460 ristitud, ümbrikon nelländez. Kaikiš suremb ristitišt oli 62 378 eläjad vl 1991 i 59 498 eläjad vl 1910.

Rahvahad (2011): horvatijalaižed — 70,1 %, serbalaižed — 6,0 %, sijaližed italijalaižed — 4,4 %, bošnäklaižed — 3,5 %, slovenijalaižed — 1,0 %, toižed rahvahad — 15,0 %.

Edeline lidnan pämez' om Boris Miletič (kezaku 2006 — 2021, Boris Miletić).

Irdkosketused[vajehta | vajehtada tekst]