Salair

Salair
Салаир
	Lidnanznam;
Valdkund	Venäma
Eläjiden lugu (2021)	7,169 ristitud
Pämez'	Evgenii Estifejev; (reduku 2004—)
Telefonkod	+7−38 463-xx-xxx
Avtokod	42, 142
Aigvö	UTC+7 (MSK+4)

Salair (ven.: Салаи́р) om Venäman lidn da lidnankund Kemerovon agjan päivlaskmas. Mülüb om Gur'jevskan rajonha, sen toine lidn.

Istorii[vajehta | vajehtada tekst]

Salairskoje-külä mainitase ezmäižen kerdan vl 1626. Žilon aluz om pandud vl 1782 hobedan kaivudenno. Vspäi 1793 sauvoškanzihe hobedan suladuztegint koumenno kaivudenno. Vl 1830 löudihe kuldad Salairal, i heittihe hobedan samišt vodele 1861. Nevondkundaližen aigan vedihe geotedištelendad, saudihe küllästamižfabrikad i raudted vodele 1932. Vl 1932 sai radnikžilon statusad. Kätihe radnikžilod lidnaks vn 1941 5. päiväl sulakud.

Salairan lidnankund šingotase hahktinan i cinkan küllästamižfabrikal da kurortaks, sidä kesken mägisuksiden.

Geografijan andmused[vajehta | vajehtada tekst]

Lidn sijadase Sur' i Pen' Tolmovai-jogiden keskes (ven.: Большая и Малая Толмовая), Salairan kräžan päivnouzmaižil pautkil, 330 m ü.m.t. keskmäižel korktusel. Matkad Altajan randan röunhasai om 10 km suvipäivlaskmha orhal, Kemerovohosai om 126 km pohjoižhe orhal, 167 km avtotedme vai raudtel. Lähembaine lidn om Gur'jevsk-rajonkeskuz 2 km pohjoižpäivnouzmha.

Kaks' pen't žilod mülüdas lidnankundha Salairan ližaks: Žilo Salairan lebupertinno (123 rist. vl 2010) i Gavrilovk (64 rist. vl 2010). Lidnankundan pind — 39,75 km².

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 8 262 ristitud, lidnankundan — 8 449 ristitud, rajonan videndez. Kaikiš suremb lidnan ristitišt oli 17 477 eläjad vl 1959. Vl 2017 kaik 7 768 ristitud elihe lidnankundas.

Ortodoksižen hristanuskondan phh. Pedroin da Pauloin-apostoloiden jumalanpert'^[1] om olmas lidnas (nügüd'aigaine — vspäi 1907).

Galerei[vajehta | vajehtada tekst]

Mecatoi Nemk-kukkaz Jogeihut-laptas, vn 2011 nägu
Salairan kuldan küllästamižfabrik Jogeihut-laptas vl 2011
Salairan hahktinan i cinkan küllästamižfabrik Fabrik-laptas vl 2011

Homaičendad[vajehta | vajehtada tekst]

↑ Salairan pühäpertid sobory.ru-saital. (ven.)

Irdkosketused[vajehta | vajehtada tekst]

Lidnankundan tobmuden aluzkundoiden oficialine sait (салаир-адм.рф). (ven.) (angl.) (saks.)

Salair Vikiaitas

	Kemerovon agjan lidnad
	Anžero-Sudžensk \| Belovo \| Berözovskii \| Gur'jevsk \| Jurg \| Kaltan \| Kemerovo \| Kiselövsk \| Leninsk Kuzneckii \| Mariinsk \| Meždurečensk \| Miski \| Novokuzneck \| Osinniki \| Polisajevo \| Prokopjevsk \| Salair \| Taig \| Taštagol \| Topki

[1] Salairan pühäpertid sobory.ru-saital. (ven.)

[1]