Šelehov (lidn)

Vikipedii-späi
Šelehov
Шелехов
Lidnanznam
Valdkund Venäma
Eläjiden lugu (2020) 48,423 ristitud
Pind 32,83 km²
Šelehov Шелехов
Pämez' Sergei Lipin
(sügüz'ku 2017—)
Telefonkod +7−39 550-xx-xxx
Avtokod 38, 85, 138
Aigvö UTC+8 (MSK+5)


Šelehov (ven.: Ше́лехов) om Venäman lidn da lidnankund Irkutskan agjan suves. Se om Irkutskan suvipäivlaskmaine ezilidn, Šelehovan rajonan administrativine keskuz, mülüb sihe vspäi 2009.

Istorii[vajehta | vajehtada tekst]

Eländpunktan aluz om pandud vl 1953 kuti žilo Irkutskan alüminijantegimenno sauvomha tegint. Vl 1956 nimitihe sidä nügüdläižikš Grigorii Šelihov (Šelehov) torgovanan kanzannimen mödhe (1747−1795), Venälaiž-Amerikaižen torguindkompanijan alusenpanii. Vl 1962 tegim radaškanzi, i žilo sai lidnan statusad. Sen torhuz om alüminijan hapanduz, ajadas Ačinskaspäi, Uralaspäi, Kazahstanaspäi. Lähine elektropurde — Irkutskan GES.

Šelehov šingotase alüminijan pästandal[1] i sauvondmaterialiden edheotandoil (raudbetonkonstrukcijad, savičun tegim, punümbriradai tegim[2]), mugažo kabel'tegim radab.

Geografijan andmused[vajehta | vajehtada tekst]

Lidn sijadase Irkut-jogen oiktal randpolel, 462 m ü.m.t. keskmäižel korktusel. Matkad Irkutskan röunhasai om seičeme kilometrad pohjoižpäivnouzmha orhal. Transsib läbitab lidnad, päraudtestancii om Gončarovo. «Baikal»-avtote ristikoičeb lidnad. Voib olda lujid manrehkaidusid (10 ballhasai 12:späi).

Šelehov om lidnankundan üks'jäine eländpunkt. Lidn jagase fartaloikš da mikrorajonikš, mugažo om äi kezaküläpertiden žiloid.

Eläjad[vajehta | vajehtada tekst]

Vn 2010 Venäman rahvahanlugemižen mödhe eläjiden lugu oli 47 943 ristitud, rajonan koume nelländest. Kaik 47 608 ristitud elihe lidnas vl 2017. Kaikiš suremb lidnan ristitišt oli 55 100 eläjad vl 2001.

Ortodoksižen hristanuskondan phh. Pedroin da Pauloin jumalanpert'[3] om saudud vll 2000−2018.

Irkutskan arhitekturan da sauvondan tehnikuman[4] filial om lidnan professionaližen opendusen aluzkundaks.

Galerei[vajehta | vajehtada tekst]

Homaičendad[vajehta | vajehtada tekst]

  1. Irkutskan alüminijantegim taishet.rusal.ru-saital. (ven.)
  2. Šelehovan punümbriradajan tegimen sait (sheldoz.ru). (ven.)
  3. Šelehovan pühäpertin sait (shelehov.cerkov.ru). (ven.)
  4. Irkutskan arhitekturan da sauvondan tehnikuman sait (итас.образование38.рф). (ven.)

Irdkosketused[vajehta | vajehtada tekst]



Irkutskan agjan lidnad
Alaudinsk | Alzamai | Angarsk | Baikal'sk | Birüsinsk | Bodaibo | Bratsk | Čerömhovo | Irkutsk | Kirensk | Sajansk | Sibirin Usol'je | Slüdänk | Svirsk | Šelehov | Zim | Železnogorsk Ilimal | Taišet | Tulun | Ust'-Ilimsk | Ust'-Kut | Vihorevk