Starovoit Roman Vladimirovič
| Roman Vladimirovič Starovoit | |
.jpg) Roman Starovoit vl 2022 | |
| radmižen toižend: | |
|---|---|
| sündundan dat: |
20. vilukud 1972 |
| sündundan sijaduz: |
Kursk, Venäman NFST[d], Nevondkundaližiden Socialistižiden Tazovaldkundoiden Ühtištuz |
| valdkund: | |
| kolendan dat: | |
| kolendan sijaduz: |
Malevich park[d], Odintsovo linnaringkond[d], Moskvan agj, Venäman NFST[d], Nevondkundaližiden Socialistižiden Tazovaldkundoiden Ühtištuz[1][2] |
 Roman Vladimirovič Starovoit VikiAitas | |
Roman Vladimirovič Starovoit (ven.: Рома́н Влади́мирович Старово́йт, sünd. 20. viluku 1972, Kursk, Kurskan agj, Venäman NFST, Nevondkundaline Ühtištuz) — kol. 7. heinku 2025, Malevičun puišt, Odincovon lidnümbrik, Moskvan agj, Venälaine Federacii) oli Venäman valdkundan šingotai da politikanmez'. Radoi Venäman transportan ministraks vn 2024 semendkun 14. päiväspäi. Oli Kurskan agjan pämehen (16. sügüz'ku 2019 — 12. semendku 2024). Ühthine Venäma-partijan Kurskan agjan palakundan sekretar' vn 2020 kül'mkun 12. päiväspäi.
Elonstarin
[vajehta | vajehtada lähtetekst]Roman Vladimirovič Starovoit oli sündnu Kursk-lidnha vn 1972 20. vilukud. Hänen Vladimir Aleksandrovič Starovoit-tat radoi Kurskan atomelektrostancijal. Vl 1974 sirtihe tatad Leningradan atomelektrostancijale Leningradan agjan Sosnovii Bor-lidnas[3], siš Romanan laps'aig mäni.
Openduz
[vajehta | vajehtada lähtetekst]Vl 1995 Starovoit lopi Baltijan valdkundaližen tehnižen «Vojenmeh»-universitetan «Impul'sivižed lämbituzmašinad»-palakundad[4].
Vl 2008 Roman Starovoit lopi opendust Lodehližen ohjanduzinstitutan «Valdkundaline da municipaline ohjanduz»-palakundas.
Vl 2012 mez' eci pedagogižiden tedoiden kandidatan arvod, ka vahvištadihe dissertacijad «Nügüd'aigaine metodik, kut vaumita sportmest tal'vpoliatlonas»-temadme Venäman südäiazjoiden ministrusen Moskvan universitetas.
Vl 2019 Starovoit lopi opendust Venäman rahvahanižandusen da valdkundsisteman akademijas.
Rad
[vajehta | vajehtada lähtetekst]Biznes
[vajehta | vajehtada lähtetekst]Vl 1995 Starovoit oli Regionaližen rahoituzagentusen pämehen. Vll 1995−2001 — generaližen pämehen organizacijas, kudamb ohjandab privatižen «Promišlennii»-penziifondan rahavaroid. Vll 2002−2005 oli Stroiinvest-sauvondorganizacijan valdoičijan da pämehen[5].
Venäman ministrusiden da valdkundorganoiden apparatas
[vajehta | vajehtada lähtetekst]Vll 2005−2007 Starovoit oli palakundan pämehen, radoi Piterin valdkundmehišton rahansijadusen da päprojektoiden komitetan investoroidenke. Vll 2007−2010 oli ezmäižen Piterin valdkundmehišton rahansijadusen da päprojektoiden komitetan pordaigaližeks pämeheks[3]. Vll 2010−2012 oli Venäman valdkundmehišton tegimišton da infrastrukturan palakundan pordaigaližeks pämeheks.
Vn 2012 kül'mkun 22. päiväspäi Starovoit oli Federaližen teagentusen (Rosavtodor) pämehen. Vn 2018 redukun 1. päiväspäi tegi Venäman transportan ministran velgusidme[5].
Kurskan agjan pämez'
[vajehta | vajehtada lähtetekst]Vn 2018 11. päiväl redukud, konz Aleksandr Mihailov jäti radsijan, Starovoit oli pandud Kurskan agjan pordaigaližeks pämeheks.
Vn 2019 4. sulakud partijatoi Starovoit andoi zajavindad Ühthine Venäma-partijha, miše voiži ühtneda Kurskan agjan pämehen valičendoihe kut kandidat partijaspäi. Valičendad mäniba sen-žo voden 8. sügüz'kud. Peitänestamižes Ühthine Venäma-partijan Kurskan regionaližes palakundas Starovoit sai 229 än't. Kezakus Ühthine Venäma tariči händast agjan pämehen kandidataks.
Vn 2019 elokus Venäman Vladimir Putin-prezident tegi vasttust Starovoitanke i vahvištoiti hänen planad rahvahaližiden projektoiden todenzoituses, biznesmehiden kucundas agjaha teiden, poliklinikoiden, i mugažo školoiden, lapsiden pävkodiden šingotesen täht[6].
Männuziden vn 2019 8. sügüz'kud valičendoil Starovoit sai 81,07 % änid, tuli 41,56 % ristituid, i hän kändihe Kurskan agjan pämeheks videks vodeks. Hän jäti valdoiktusid vl 2024.
Vn 2020 9. kül'mkud Starovoit mülüškanzi Ühthine Venäma-partijha.
Voden 2020 tal'vkun 21. päiväspäi mez' oli Venäman Valdkundaližen Nevondkundan prezidiuman ühtnijan.
Venäman valdkundmehištos
[vajehta | vajehtada lähtetekst]Vn 2024 12. semendkud Mihail Mišustin-päministr tariči Roman Starovoitan kandidaturad transportan ministran radsijale. 14. semendkud Federaline parlament vahvištoiti händast necile radsijale, sil-žo päiväl Venäman Prezident allekirjuti käskön hänen panendas.
Openduses
[vajehta | vajehtada lähtetekst]Oldes Kurskan agjan pämehen, Starovoit lugi lekcijoid ekonomikan varuitomuden da naloganpanendan kafedral Suvipäivlaskmaižes valdkundaližes universitetas.
Arvnimi
[vajehta | vajehtada lähtetekst]- Venäman todesine valdkundaline nevoi 1. klassan
Pauklahjad
[vajehta | vajehtada lähtetekst]- Arvostusen Orden (Venäma) (2014)
- 2. arvon «Hüväs rados»-mötal' (2015)
- Kuldaine «Tondas Venäman agrotegimištoližen kompleksan šingoteshe»-mötal' (2015)
- Aleksandr Nevskijan Orden (Venäma) (2017)
- 1. arvon «Hüväs rados»-mötal' (2018)
- Sebruden Orden (Venäma) (2020)
Kanz
[vajehta | vajehtada lähtetekst]Mez' oli erigoittud naimiželospäi. Kaks' tütärt oma sündnuded naimiželos.
Mel'hetartused
[vajehta | vajehtada lähtetekst]Roman Starovoit — nellän Moskvan rahvahidenkeskeižen marafonan ühtnii. Navedib triatlonad, vn 2018 7. redukud 13 časus 33 minutas päzui Iron man-ülämarafonaspäi («Raudasine mez'») — 3800 m ujuden, 180 km velosipedal i 42 km joksten[7].
Sankcijad
[vajehta | vajehtada lähtetekst]Vn 2022 heinkuspäi Starovoit putui Suren Britanijan sankcijoiden nimikirjuteshe[8], elokuspäi — Kanadan sankcijoiden nimikirjuteshe[9], redukuspäi — Ukrainan sankcijoiden nimikirjuteshe, tal'vkuspäi — AÜV:oiden sankcijoiden nimikirjuteshe.
Homaičendad
[vajehta | vajehtada lähtetekst]- ↑ Последнее дело Романа Старовойта — 2025.
- ↑ Russia's former transport minister Roman Starovoit found dead 'with gunshot wound' — Sky News.
- 1 2 Старовойт, Роман Владимирович Šablon:Wayback // ТАСС
- ↑ Биография Романа Старовойта (Roman Starovoitan biografii) Šablon:Wayback // RIA Novosti (ria.ru). (ven.)
- 1 2 Старовойт Роман Владимирович Šablon:Wayback // Коммерсантъ. (ven.)
- ↑ РБК-Черноземье, 29 августа 2019. Президент РФ Владимир Путин встретился с Романом Старовойтом
- ↑ Šablon:Cite news
- ↑ Губернатор Курской области Роман Старовойт попал в санкционный список Великобритании (Kurskan agjan Roman Starovoit-gubernator putui Suren Britanijan sankcijoiden nimikirjuteshe) // Uzištused kurskcity.ru-saital. (ven.)
- ↑ Канада вводит санкции против 62 физлиц и одной структуры в связи с ситуацией на Украине. (ven.)