Siga

Siga
Siga porzhidenke
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Šorpkabjaižed (Artiodactyla) Sugukund: Sigad (Suidae) Heim: Mecsigad (Sus) Erik: Mecsiga (Sus scrofa) Alaerik: Siga
Latinankel'ne nimi
Sus scrofa domesticus (Erxleben, 1777)
Sistematik Vikierikoiš Kuvad Vikiaitas ITIS 898310 NCBI 9825

Siga (latin.: Sus scrofa domesticus vai Sus domesticus) om kabjživat, mecsigan alaerik. Mülüb Sigad-sugukundha.

Sigan poigaižen nimituz om porzaz vai čugu. Sigan ižač om oraž.

Ümbrikirjutand

Živat om kodikoittud seičeme tuhad vozid tagaz vai sen aigemba. Ezmäižed kodikoičendan naprindad oliba Tigr-jogen basseinas (Lähine Päivnouzmma, koumetoštkümne tuhad vozid) i Kipr-sarel (11,4 tuh. vozid tagaz), sen kal't kodisiga putui Evropha. Kodikoičemine Kitaiš tegihe ripmata siš processaspäi kahesa tuhad vozid tagaz. Evropalaižed kodikoičiba sijaližid-ki mecsigoid. Mail'man populäcii om kaikenaigaine, läz üht milliardad živatoid.

Täuz'igäine hibj om 0,9..1,8 m pitte, 50..150 kg jügutte. Sus om 44 hambast, sidä kesken nell' šingotadud orahambast. Čongoiše mas tül'cäl kärzal lapakonke nenanke. Nened tundused oma jäl'gnuded mecsigaspäi: väll' nägemine, terav kulemine, hen nühaindelim, mahtuz ujuda hüvin; lujetud plodukahuz, mahtuz kazda heredas i razveta.

Živatad södas kaikuttušt, mecsigan kartte. Kazvatadas tavarvedushesai kudes..seičemes kus. Äikerdoitas kahesa..ühesakuižes igäspäi, kaks' kerdad vodes da sen enamba. Voib kazvatada kaks'kümnehe porzhasai vodes ühtes emäčuspäi. Siga sötleb maidol porzhid 35..42 päiväd.

Toižendad

Tetas läz sadad sigoiden suguid mail'madme.

Kodisigad (minipig:ad) oma pened dekorativižed. Mectunuded sigad (reizorbek:ad) puttas vastha Pohjoižamerikas, Avstralijas da Udes Zelandijas.

Kävutand

Kazvatadas maižanduzfermoiš da läviš samha lihad (mail'man tehmine 97,2 mln tonnoid vl 2005) da razvad, laptaližed produktad oma nahk da suugased.

Sigha sidodud vepsän muštatišed

• Kaikuččel sigaižel om ičeze kärzaine.
• Kut ei sättugoi länged sigale, muga ei sättu vin akale.
• Länged sigale ei kožu.
• Sugun mödhe siga valitas.
• Söid kut siga, läksid kut koza.

Kacu mugažo

• Sigankorv