Taurage

Taurage
Tauragė

Lidnanznam	Flag
Valdkund	Litvanma
Eläjiden lugu (2014)	23,513 ristitud
Pind	16,7 km²
Telefonkod	+370−446-xx-xxx
Aigvö	tal'vel UTC+2, kezal UTC+3

Taurage (litv.: Tauragė, saks.: Tauroggen, pol'š.: Taurogi, jidiš: טאווריק/Tovrig, ven.: Таураге, Тауроги vai Таурогген) om lidn Litvanman päivlaskmas.

Istorii

Eländpunkt mainitase ezmäižen kerdan vl 1507 kut usadib, žilo senno i vaiše vaumitud puine katoline kostöl školanke. Nimituz sel'genzoitase litvan kelen kahtes sanaspäi: tauras «tur (mechärg)» i ragas «sar'v» tegesiden torhuden mödhe.

Žilo oli Litvanman lüteranine keskuz, lüteranine pühäpert' oli saudud vl 1567. Sil-žo vodel muit radaškanzi, žilo seižui röunmal. Vll 1691−1793 mülüi Prussijha, sid' oli Venäman imperijan palaks. Kändihe ripmatoman Litvanman žiloks vl 1920, sai lidnan statusad vl 1924.

Taurage šingotase tegimišton parkal koume nellikkilometrad pindanke (sidä kesken keramine tegim sijaližel savel), avtoiden torgusel, turizmal (Tauragen lidnuz, bobuštuzpark).

Geografijan andmused

Lidnan sijaduz valdkundas vn 2005 kartal

Lidn sijadase Jurajogen hural randal (litv. Jūra, Nämunasan oiged ližajogi), 36 m korktusel valdmeren pindal päl.

Matkad Vil'nüshasai om 201 km suvipäivnouzmha. Ühtenzoitase Šäuläinke raudtedme, matkad sihesai om 102 km pohjoižpäivnouzmha.

Eläjad

Vn 2011 Litvanman rahvahanlugemižen mödhe lidnan eläjiden lugu oli 24 389 ristitud, heišpäi 98 % oma litvalaižed. Kaikiš suremb lidnan ristitišt oli 30 119 eläjad vl 1989.

Galerei

• 
  Lidnan tobmuden sauvuz (2020)
• 
  Pühän Stroican jumalanpert' (katoline), vn 2020 sulakun nägu
• 
  Mažvidasan progimnazii (2020)
• 
  Tauragen profopendusen keskuz (2020)
• 
  Lidnan kul'turkeskuz (reduku 2007)
• 
  Taurage-päraudtestancijan sauvuz, viluku 2009

Sport

• FK Tauras (Taurage)

Irdkosketused

• Lidnan da sen agjan oficialine sait (taurage.lt). (litv.) (angl.)