Tel' Aviv

Tel' Aviv
תֵּל־אָבִיב-יָפוֹ
*(Tel' Aviv — Jafo)*
Lidnanznam;	Flag;
Valdkund	Izrail'
Eläjiden lugu (2017)	438,818 ristitud
Pind	52 km²
Pämez'	Ron Hul'dai; (kül'mku 1998—)
Telefonkod	+972-(0)3
Aigvö	tal'vel UTC+2,; kezal UTC+3

Tel' Aviv — Jaff (evr.: תֵּל־אָבִיב-יָפוֹ Tel' Aviv — Jafo, arab.: تل أبيب‎), vai muite Tel' Aviv ([tel aˈviv] «udessündundan kukkaz» vai «keväden käp» ivritaspäi), om Izrailin kahtenz' lidn eläjiden lugun mödhe. Se om Tel' Avivan ümbrikon administrativine keskuz da pala.

Istorii[vajehta | vajehtada tekst]

Nügüdläižen eländpunktan aluz om pandud kuti amuižen Jaff-lidnan fartal vl 1909. Tedištoitihe Izrailin ripmatomudes Tel' Avivas vl 1948, parlamentan ezmäižed ištundad oliba neciš lidnas. Ühtenzoittihe Jaffanke vl 1950. Nügüd' nened valdkundaližed aluzkundad sijadasoiš Tel' Avivas: kaičendministruz i Generaline štab.

Tel' Aviv om Izrailin ekonomižeks pälidnaks da transporttesol'meks 153 mlrd US$ kogosüdäiproduktanke (vl 2013), Google- i Misrosoft-kompanijoiden ezitaikundoiden sijaduz.

Geografijan andmused[vajehta | vajehtada tekst]

Lidn sijadase valdkundan päivlaskmas, Keskmeren päivnouzmaižel randal, 5 m ü.m.t. keskmäižel korktusel, 13,5 km pitte pertištonke. Matkad Jerusalimhasai om 70 km suvipäivnouzmha avtotedme vai raudtedme.

Eläjad[vajehta | vajehtada tekst]

Vl 2013 eläjiden lugu oli 414 600 ristitud. Läz 3,8 mln elädas «Guš Dan»-lidnaglomeracijas (evr.: ‏גוש דן‏‎, 2017).

Religijan mödhe (2007): judaizman uskojad — 93% (544 sinagogad), islamanuskojad — 1%, hristanuskojad — 1%, religijatomad — 5%.

Transport[vajehta | vajehtada tekst]

Avtobusad, taksid i velosipediden kortom oma kundaližeks transportaks lidnas. Kebn metron jono om sauvomas vodele 2020. Izrailin kaikiš znamasižemb päraudtestancii sijadase Tel' Avivas.

Rahvahidenkeskeine civiline Ben Gurionan nimed lendimport (TLV, 22,9 mln passažiroid vl 2018) sijadase 20 km suvipäivnouzmha Lod-ezilidnas. Tehtas reisid Evropan äjihe lidnoihe, Azijan äjihe maihe, mail'man järedoihe megapolisoihe, mugažo Izrailidme.