Vžesn'

Vžesn'
Września
Lidnanznam;	Flag;
Valdkund	Pol'šanma
Eläjiden lugu (2023)	31,857 ristitud
Pind	12,73 km²
Pämez'	Tomaš Kalužni; (2018−2023,; Tomasz Kałużny)
Telefonkod	+48−61
Aigvö	tal'vel UTC+1,; kezal UTC+2

Vžesn' (pol'š.: Września [ˈvʐɛɕɲa], saks.: Wreschen) om lidn da raudtesol'm Pol'šanman keskuzpalan päivlaskmas, Suren Pol'šanman sodaveikundas. Lidn om Vžesnin povätan (rajonan) i sen gminan (makundan) administrativižeks keskuseks da palaks.

Istorii

Eländpunkt mainitase ezmäižen kerdan vl 1256. Valitihe lopulišt sijadust 14. voz'sadal, saihe lidnan oiktusid vl 1375. Sen aigan kirjutadud lidnan nimed oliba Wressna (1317), Wresna (1364). Vžesn'-raudtestancii radab lidnas 19. voz'sadan lopuspäi. Toižen mail'man sodan jäl'ghe Vžesnin vezivaradim (26 ga, koume kilometrad pitte) om sätud Vžesnic-jogel lebukodinke.

Vžesn' šingotase Volkswagen-kompanijan avtotegimel (om letud vll 2014−2016, koumhe tuhazesai radnikoid, 85 tuhad avtoid vodes) läz lidnad, opendusen i kul'turan äiluguižil aluzkundoil. Suren Pol'šanman pen' sagud (ser liliput wielkopolski) sädase lidnas. Ende elektrotehnižen sarakon tegimed prevaliruiba («Tonsil»-änenlujendimed, «Mera-Zapmont»-avtomatik, «Mikroma»-elektrolikutimed), heinän ümbriradmižen «Herbapol»-tegim radoi.

Geografijan andmused

Lidn sijadase gminan keskuzpalan päivlaskmas, sodaveikundan keskuzpalan päivnouzmas, vižkümnes kilometras päivnouzmha Poznanišpäi, Vžesnic-jogen randoil (pol'š.: Wrześnica 49 km pitte, Vartan oiged ližajogi), 90..110 m korktusil valdmeren pindan päl.

Eläjad

Vl 2004 Vžesnin eläjiden lugu oli 28 631 ristitud, vl 2014 — 28 692 ristitud. Kaik 30 688 eläjad oli lidnas vl 2019.

Kaik kuz' katolišt pühäpertid, protestantizman kaks' pühäpertid (baptizm, lüteranižuz) i Jehovan tundištajad-organizacijan kaks' suimad ratas lidnas.

Galerei

Lidnan tobmuden sauvuz (2025)
Jumalanmaman Emäganpäivän i ph. Stanislavan jumalanpert' (riman katoline), vn 2025 nägu
Pühän Hengen jumalanpert' (nüg. 1894−1895, riman katoline), vn 2009 nägu
Torgusen torg vl 2025
Povätan läžundkodi (vn 2010 olend)
Vžesn' -päraudtestancii vn 2025 elokus

Irdkosketused

Vžesn'-lidnan da gminan oficialine sait (wrzesnia.pl). (pol'š.)

Vžesn' Vikiaitas