Venän kelen päiv
Venän kelen päiv (ven.: День русского языка, se-žo Puškinan päiv Venämas) om pühätadud venän kelele rahvahidenkeskeine päiv, om vahvištadud ÜRO:l vodel 2010. Praznuitas kezakun 6. päiväl, Venäman tetaban Aleksandr Puškin-kirjutajan sündundpäiväl[1].
Vn 2011 6. päiväl kezakud Venäman Dmitrii Medvedev-prezident allekirjuti käskön: «Vahvištoitta Venän kelen päiv i praznuita se joga voden 6. kezakud tetaban venälaižen runoilijan, nügüdläižen venän literaturan kelen augonpanijan Aleksandr Puškinan sündundpäiväl»[2].
6. kezakud Venämal vedadas pühätadud runokirjutajan sädandradole aigtegoid, ned oma literaturlugendad, konkursad, ozutelendad, klassčasud da koncertad.
Istorii
[vajehta | vajehtada lähtetekst]«Venän vaihiden vänd»-projektan tegii Ivan Klimenko pagižeškanzi venän kelen päivän vedandas ezmäižeks «Parlamentan lehtesen» lehtpolil vn 2007 26. tal'vkud[3]. Ičeze kirjutuses avtor homaiči tehtes Venän kelen voden ühthevedoid: «...Voden satused pagižeba siš, miše kelen šingotesen täht kaikuččes kalendarižes vodes pidaiži olda völ üht praznikpäiväd. Nece om Venän kelen päiv. Mail'man praznik kaiken venälaižen mirun täht». No Venäman valdkundmehišt ei andand vastust.
Völ aigemba, vodel 1996, Kriman venälaine kund zavodi praznuita Venäman kelen kaičendpäivad 6. kezakud, Aleksandr Puškinan sündundpäiväl. Vodelpäi 2007 Krimas 6. kezakud zavottihe tehta Rahvahidenkeskešt venän, slavižen kul'turan «Sur'kulu Venälaine Sana»-festivalid. Necil päiväl Venäman prezident ozatab festivalin ühtnijoid äi vot jo.
Konz Ühtenzoittud Rahvahiden Organizacii vahvištoiti mirun oficialižiden keliden päivid, ka vl 2011 6. kezakud Venäman Dmitrii Medvedev-prezident allekirjuti käskön: «Vahvištoitta Venän kelen päiväd i praznuita sidä joga voden 6. kezakud, tetaban venälaižen runokirjutajan, nügüdläižen venän literaturan kelen Aleksandr Puškin-augonpanijan sündundpäiväl»[2].
ÜRO:n keliden päiväd
[vajehta | vajehtada lähtetekst]Ühtenzoittud Rahvahiden Organizacijas oigetas sen toižiden oficialižiden keliden päivid venän kelen päivänke[4]. Ned oliba vahvištadud vl 2010 ÜRO:n tedoradnikoičendal andamha tugid äikel'žudele da kul'turale. Tehtud nenil päivil aigtegod oma oigetud oficialižiden keliden ühtenarvoižudehe i miše ÜRO:n radnikad tezižiba ičeze organizacijan keliden istorijas da šingoteses.
Keliden muštpäiväd ÜRO:n programan mödhe
[vajehta | vajehtada lähtetekst]- 20. sulakud — om pühätadud kitajan kirjkelen Can Cze-augonpanijale.
- 23. sulakud — Uil'jam Šeikspiran sündundpäiv.
- 23. sulakud — Migel' Servantesan surman päiv.
- 6. kezakud — Venän kelen päiv (Aleksandr Puškinаn sündundpäiv).
- 18. tal'vkud — päiv, konz vl 1973 pättihe panda araban kel't ÜRO:n oficialižiden da radkeliden nimikirjuteshe[1].
Homaičendad
[vajehta | vajehtada lähtetekst]- 1 2 Venän kelen päiv ÜRO:s un.org-saital. (ven.)
- 1 2 VF:n Prezidentan käsk 06.06.2011-dataspäi № 705 «О Дне русского языка» («Venän kelen päiväs») // Собрание законодательства РФ (VF:n käskusišton keraduz). 13.06.2011. № 24. Kirjutuz 3401. (ven.)
- ↑ Ivan Klimenko «Да будет день!» (Ka linneb päiv!) // Парламентская газета (Parlamentan lehtez). 27. tal'vku 2007. (ven.)
- ↑ ÜRO:n rahvahidenkeskeižiden päividen nimikirjutez un.org-saital. (ven.)
Irdkosketused
[vajehta | vajehtada lähtetekst]- Venän kelen päiv Venäman Tedoakademijan oficialižel ras.ru-saital. (ven.)
- Uzištused gramota.ru-saital: В России появился новый праздник — День русского языка (Venämas uz' praznik sündui — Venän kelen päiv). (ven.)
- Uzištused kremlin.ru-saital: Venän kelen päiv om pandud prezidentan käsköl — 6. kezaku. (ven.)
- Uzištused news.kremlin.ru-saital: Vasttusen stenogramm Venän kelen institutas, kudambas Prezident tedoti «О Дне русского языка»-käskön allekirjutamižes («Venän kelen päiväs»). (ven.)
- Venän kelen päivän praznuičendan Moskvas enzne rus-day.ru-sait («Русский Лад») web.archive.org-arhivas. (ven.)
- День русского языка (Venän kelen päiv). Kirjutuz Prezidentan kirjišton prlib.ru-saital. (ven.)