Višn'

Änikoičijan višnänpun ühthine nägu

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Rozänikoižed (Rosales)
Sugukund:	Rozanvuiččed (Rosaceae)
Heim:	Slivpu (Prunus)
Alaheim:	Višn'

Latinankel'ne nimi

Prúnus subg. Cérasus (Mill.) A.Gray, 1856

Sistematik
Vikierikoiš

Kuvad
Vikiaitas

ITIS 0

NCBI 0

Višn' (latin.: Prunus subg. Cerasus) om plodpuiden i penzhiden alaheim, mülüb Rozanvuiččed-sugukundha. Lugetas läz kuz'kümned erikod, ühtištadas niid kahteks sekcijaks.

Ümbrikirjutand

Lehtesed sijadasoiš pit'kin urbas. Severz-se änikoid i ploduid kazdas ühtes sijaspäi. Lehtesed šingotadas ühten aigan änikoidenke vai möhemba niid. Oleskeleb viž, harvamb kuz' äniklehtest änikos. Plod om siled lumarj kertheta.

Kävutand

Tehtas nenid sömproduktoid višnän ploduišpäi: keitiž, likör, südäivezi, kompot, sirop. Ližatas paštatesihe paremboičemha magud. Višnänpusad kävutase tahondan dekorativižeks formiteseks mugažo.

Višn' om znamasižeks medenkandajaks kazmuseks änikoičendan aigan. Mezjäižed ottas äi nektarad da heid'omad višnän erazvuiččiden erikoiden änikoišpäi, homendesel eriližešti, nektaran i heid'oman keradajiden lugu om läz kohtaine^[1].

Mail'man satuz

Kazvatadas maižanduzkul'turaks Pohjoižes mapoliškos tobjimalaz.

Magedan višnän mail'man satuz oli 2,25 mln tonnoid vl 2014, päkazvatajad (enamba 150 tuh. tonnoid) — Turkanma (445), AÜV (330), Iran (172). Muiktan višnän mail'man satuz oli 1,36 mln tonnoid vl 2014, päkazvatajad (enamba 50 tuh. tonnoid) — Venäma (198), Ukrain (183), Turkanma (182), Pol'šanma (176), AÜV (138), Iran (112), Serbii (94), Mad'jaranma (92).

Valitud erikod

sect. Cerasus

Prunus avium L. — Čerešn', vai Lindun višn'
Prunus cerasus Maxim. — Järgeline višn', vai Muiged višn'
Prunus serrulata Lindl. — Henpilaine višn', sen dekorativine pu om Sakur
Prunus tomentosa Thunb., harvamb Cerasus tomentosa (Thunb.) Wall. — Hobevišn'

sect. Laurocerasus

Prunus laurocerasus L.
Prunus padus L. — Tom', vai Järgeline tom'
Prunus virginiana L. — Virginine tom', vai Rusked tom'

Homaičendad

↑ Abrikosov H. N. da tž. Вишня (Višn') // Словарь-справочник пчеловода (Mezjäižvodijan vajehnik-tedonandmižkirj) / Kerazi Fedosov N. F. — M.: Sel'hozgiz, 1955. — Lp. 51.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Abrikosov H. N. da tž. Вишня (Višn') // Словарь-справочник пчеловода (Mezjäižvodijan vajehnik-tedonandmižkirj) / Kerazi Fedosov N. F. — M.: Sel'hozgiz, 1955. — Lp. 51.

[1]