|
Petroskoi vai Zavod (venäkelel: Петрозаводск, karjalan da suomen kelil: Petroskoi) om lidn Venäman lodehpoles, Karjalan Tazovaldkundan pälidn da kaikiš suremb lidn, Änižröunan (Änižrandan) rajonan administrativine keskuz. Venäman kudenz’kümnenz’ seičemenz’ lidn ristituiden lugun mödhe — 270 601 eläjäd (2010). Lidnan pind om 135 km². Petroskoin sijaduz om Änižjärven randal.
Sur’ Petr pani Petroskoin lidnan alusen vodel 1703.
(lugeda enamba...)
|
Karjal, Karjalan Tazovaldkund (venäkelel: Республика Карелия, ičenaižkarjalan kelel: Karjalan tašavalta, livvinkarjalan kelel: Karjalan tazavaldu, suomen kelel: Karjalan tasavalta) om Venälaižen Federacijan subjekt, Lodehližes federaližes ümbrikos. Karjalan Tazovaldkundal oma röunad Murmanskan agjanke pohjoižel, Suomenmanke päivlaskmal, Arhangel'skan agjanke päivnouzmal, Leningradan agjanke da Vologdan agjanke suvel. Karjalan tazovaldkundan pälidn da kaikiš suremb lidn om Petroskoi. Eläjiden lugu om 645 200 mest (2010 vodel). Pind om 172 400 nellikkilometrad.
(lugeda enamba...)
|
