Vil'jandi

Vil'jandi
Viljandi (est.)
Lidnanznam;	Flag;
Valdkund	Estinma
Eläjiden lugu (2024)	17,255 ristitud
Pind	14,7 km²
Pämez'	Madis Timpson; (kül'mku 2017—)
Telefonkod	+372-(0)43-xx-xxx
Aigvö	tal'vel UTC+2; kezal UTC+3

Vil'jandi (est.: Viljandi [ˈʋilʲˑjɑnʲˑdi], ende Fellin saksan kelel) om Estinman lidn valdkundan suvipoles. Se om Vil'jandin makundan administrativižeks keskuseks da palaks. Vil'jandi otab kudenden sijan elijoiden lugumäran mödhe Estinaman lidnoiden keskes.

Istorii

Endevanh eländtaho oli sigä jo 5. voz'sadal edel meiden aiglugendad. Estižele lidnale om pandud augud ei möhemba vikingiden aigad. Visitestonia.com-lehtpolen melen mödhe, ezmäine mainitez neciš tahos om kirjutadud vodel 1154, konz arabialaine Al' Idrisi-mantedai pani toponiman kartale. Nece sana mainiti Vil'jandi-nimed^[1]. 12. voz'sadal ezmäine kaikenaigaine eländtaho tegihe ümbri lidnas.

13. voz'sadan augotišes nene tahod oliba anastadud Mekanpidajiden Ordenal. 1224. vodel zavottihe tehta Ordenan lidnust puižiden sauvusiden sijas. Ičeze aigan se oli kaikid vägekahamban Baltjan meren randoil. Sid' 200 voziden aigan saudihe da udistadihe lidnusen äi kerdoid.

Vodel 1283 Rigan arhiepiskop andoi Fellin-eländtahon umbrištole lidnan statusan.^[2]

Vil'jandi šingotase sauvondmaterialiden pästandal (pumaterialad), tekstilin tehmižel, metallan ümbriradmižel, sömtegimišton edheotandoil, turizmal i muzikfestivalil.

Geografijan andmused

Lidn om ümbärtud mecoil, seižub Vil'jandi-järven randal, järv mülüb lidnha täuzin.

Vil'jandi sijadase 161 kilometrad suvhe Tallidnaspäi, 81 kilometrad päivlaskmha Tartuspäi da 97 kilometrad päivnouzmha Pärnuspäi. Om raudtejonon Tallidnaspäi lopstancijaks.

Eläjad

Vn 2011 Estinman rahvahanlugemižen mödhe lidnan eläjiden lugu oli 17 473 ristitud. Kaikiš suremb lidnan ristitišt oli 23 080 eläjad vl 1989.

Rahvahad (enamba 0,4 % vl 2011): estilaižed — 94,11 %, venänikad — 3,71 %, ukrainalaižed — 0,73 %, suomalaižed — 0,6 %, toižed rahvahad i rahvahuden ozutandata — 0,85 %.

Ando Kiviberg radoi edeližen lidnan pämehen vll 2013−2017.