Zalaegerseg

Zalaegerseg
Zalaegerszeg

Lidnanznam	Flag
Valdkund	Mad'jaranma
Eläjiden lugu (2025)	53,960 ristitud
Pind	102,41 km²
Pämez'	Zoltan Balaič (reduku 2014—, Balaicz Zoltán)
Telefonkod	+36-(0)92
Aigvö	tal'vel UTC+1, kezal UTC+2

Lidnan kart (2021)

Zalaegerseg (mad'j.: Zalaegerszeg [ˈzɒlɒɛɡɛrsɛɡ], saks.: Egersee) om lidn Mad'jaranman päivlaskmas. Se om Zal-agjan administrativižeks keskuseks.

Istorii

Eländpunkt mainitase ezmäižen kerdan vl 1247 kuti Egerskug (mad'j.: Egurscug). Vozil 1266−1848 Vespreman arhijerejad oliba lidnan pämehikš. Lidnuz om saudud voden 1526 jäl'ghe i se ei olend anastadud turkoil 1570-nzil vozil i vl 1616. Oli andnus turkoile vaiše vl 1664, no avstrižed sodaväged päzutiba kaik Mad'jaranmad 17. voz'sadan lopus.

Vl 1890 raudte tuli lidnha, i se abuti Zalaegersegale jäda ümbrišton keskuseks. Toižen mail'man sodan jäl'ghe šingotihe teravas, mülüti äi žiloid, saudihe tekstil'fabrikad i kivivoinümbriradajad edheotandad.

Geografijan andmused

Lidnan sijaduz agjas i valdkundas (2017)

Lidn sijadase agjan pohjoižes, Zalanjogen randoil (lankteb Balaton-järvhe, Dunain bassein), 166 m ü.m.t. keskmäižel korktusel.

«Vašvar — Nad'kaniž»-avtote (E65) läbitab lidnad. Matkad Budapešthasai om 200 km pohjoižpäivnouzmha, Avstrijan i Slovenijan valdkundröunoihesai om nell'kümne kilometrad päivlaskmha.

Eläjad

Vn 2011 Mad'jaranman rahvahanlugemižen mödhe lidnan eläjiden lugu oli 59 499 ristitud, vn 2022 — 54 428 ristitud. Kaikiš suremb lidnan ristitišt oli 62 214 eläjad vl 1990.

Rahvahad (2011): mad'jaralaižed — 95,9 %, čiganalaižed — 1,6 %, saksalaižed — 1,0 %, toižed rahvahad — 1,5 %.

Religijan mödhe (2011): riman katolikad — 52,5 %, kal'vinistad — 2,9 %, lüteranižusen polenpidajad — 1,0 %, grekan katolikad — 0,2 %, toižed uskojad — 1,6 %, religijatomad — 14,3 %, jätiba vastuseta — 27,9 %.

Galerei

• 
  Lidnan tobmuden sauvuz (2020)
• 
  Lidnan kaičijan Ph. Maria Magdalinan jumalanpert' (katoline, 18. voz'sadan), vn 2011 nägu
• 
  Teatr Šandor Heveši-režissöran nimed (vn 2008 olend)
• 
  Jähokkein aren (2020)
• 
  Lidnan avtobusstancii i Zalaegerseg-päraudtestancijan sauvuz vl 2020

Irdkosketused

• Lidnan tobmuden oficialine sait (zalaegerszeg.hu). (mad'j.) (angl.) (saks.)