Bridžtaun

Vikipedii-späi
(Oigetud lehtpolelpäi Bridžtaun (lidn, Barbados))
Bridžtaun
Bridgetown
Lidnanznam
Valdkund Barbados
Eläjiden lugu (2014) 110,000 ristitud
Pind 38,8 km²
Bridžtaun Bridgetown
Telefonkod +1−246
Aigvö UTC−4


Sil sanal voib olda toižid znamoičendoid; miše nähta niid, tulgat tänna.
Bridžtaunan i kaiken saren kart (2021)

Bridžtaun (angl.: Bridgetown) om Barbadosan pälidn da kaikiš suremb lidn. Mülüb Sent Maikl-tulendha, om sen administrativižeks keskuseks.

Istorii[vajehta | vajehtada tekst]

Eländpunktan aluz om pandud vl 1628, i hätken se oli orjantorguindan keskuseks. Sai nimitust Anglijan Tobaias Bridž-polknikan kanzannimen mödhe (Tobias Bridge), hän oli oigetud sarele vl 1666, käski sodavägil toras Tobagod vaste vl 1673 i ühtni saren ohjanduzkundha vspäi 1674, koli-ki nimitadud hänen oiktastuseks lidnas ezimeletaden. Vl 1958 lidn sai siti-statusad (angl.: city) sijaližen käskusen alusel. Vspäi 1966 Bridžtaun om ripmatoman Barbadosan pälidnaks saudud vl 1961 merikaran tagut.

Bridžtaun šingotase valdmeriportaks[1], valdkundan profopendusen keskuseks, saharrogon ümbriradmižel, turizmal kruizlaivoil i finansižeks keskuseks (ofšor). Barbadosan fondbirž (Barbados Stock Exchange / BSE) radab lidnas vspäi 1987.

Geografijan andmused[vajehta | vajehtada tekst]

Lidn sijadase Barbados-saren suvipäivlaskmas, Atlantižen valdmeren randal, 30 m ü.m.t. keskmäižel korktusel. Keskuz om saudud pudotadud son sijas, üks' metr ü.m.t.. Kaks' sildad ühtenzoittas kaidan merilahten randoid.

Klimat om tropižen savannan kaks'sezonine. Kun keskmäine lämuz om +26..+28 C° vodes läbi. Ekstremumad oma +16 C° i +35 C°. Paneb sadegid 1260 mm vodes, enamba elokus-kül'mkus (150..180 mm kus), vähemba uhokus-keväz'kus (39..42 mm kus). Relätivine nepsuz om 75..82 % vodes läbi.

Eläjad[vajehta | vajehtada tekst]

Vl 2014 eläjiden lugu oli 110 000 ristitud. Valdkundan kaks' ristitud videspäi elädas pälidnas.

Religijan mödhe: protestantad ottas koume videndest ristitištos, ezitatoiden veroližiden religijoiden polenpidajad — 12 %, katolikad — 4 %, ateistad i religijatomad ottas koumandest.

Homaičendad[vajehta | vajehtada tekst]

  1. Barbadosan meriportan sait (barbadosport.com). (angl.)

Irdkosketused[vajehta | vajehtada tekst]



Pohjoižamerikan pälidnad
Baster | Bel'mopan | Bridžtaun | Gvatemal-lidn | Havan | Kastri | Kingstaun | Kingston | Managua | Mehiko | Nassau | Ottav | Panam-lidn | Port-o-Prens | Port of Spein |
| Rozo | San Hose | San Sal'vador | Santo Domingo | Sent Džons | Sent Džordžes | Tegusigal'p | Vašington