Anglijan kel'

Vikipedii-späi
Anglijan kelen oficialiženke statusanke levigandusen kart: muzasinine — üks'jäine oficialine kel', sinivauvaz — toine oficialine kel'
«EN» — anglijan kelen znam ISO:n 639-1 mödhe

Anglijan kel' (vai englandin kel'; ičeze nimituz: English) om germanižen gruppan indoevropine kel'.

Ühthižed andmused[vajehta | vajehtada tekst]

Pagižijoiden lugu — 410 mln (mamankel') vai 1 mlrd (toine i veraz kel') ristituid.

Anglijan kel' om üks' ÜRO:n radkelišpäi. Arni nece kel' kävutase rahvahidenkeskeižen besedoičendan täht kaiked mail'madme järgeližes elos.

Se om valdkundkel' Sures Britanijas, Avstralijas, Udes Zelandijas da AÜV:oiden 32 štatoiš, üks' kahtes valdkundkelespäi Irlandijas, Kanadas da Mal'tas. Anglijan kel' kävutadas mugažo kuti oficialine kel' erazvuiččiš Azijan (Indii, Pakistan, Singapur i toižed) da Afrikan valdkundoiš.

Grammatik[vajehta | vajehtada tekst]

Kelen grammatižen znamoičendan kuvandoičend om analitine tobjimalaz. Sanoiden järgenduz om tarkoiged. Vaiše kaks' kändod om olmas: common case i objective case. Üks' vajeh mülüb paksus severdha-se sanaklassha (substantiv, adjektiv i verb).

Anglijan kel' mülüb analitižiden keliden gruppha.

Vaihišt[vajehta | vajehtada tekst]

Om äi velgsanoid kelen leksikas. Kävutadas latinalašt kirjkel't 7. voz'sadaspäi. Tradicižiden kirjutamižiden äjüz harakterizuib orfografijad, se om saudud 16. voz'sadan virkandal.

Morfologii

Anglijan kelen ičevuitte pird om sanoiden lühüduz. Sil-žo aigal om äi pit'kid sanoid keles, no pagištes kävutadas niid harvašti.

Kirjamišt
А a B b C c D d E e F f G g H h I i
J j K k L l M m N n O o P p Q q R r
S s T t U u V v W w X x Y y Z z

Fonetik[vajehta | vajehtada tekst]

Änekahad lopkonsonantad ei tehkoiš änetomikš. Ei ole palataliziruidud konsonantoid anglijan keles. Akkomodacijad oma harvad keles.

Lugusanad[vajehta | vajehtada tekst]

  • one [wʌn] — üks'
  • two [tuː] — kaks'
  • three [θɹiː] — koume
  • four [fɔː] — nell'
  • five [faɪv] — viž
  • six [sɪks] — kuz'
  • seven [ˈsɛv.ən] — seičeme
  • eight [eɪt] — kahesa
  • nine [naɪn] — ühesa
  • ten [tɛn] — kümne
  • twenty [ˈtwɛnti] — kaks'kümne
  • thirty [ˈθɜːti] — koumekümne
  • hundred [ˈhʌndɹəd] — sada
  • thousand [ˈθaʊz(ə)nd] — tuha

Frazad[vajehta | vajehtada tekst]

  • Hello! / How are you? — Tervhen!
  • What is your name? — Kut sindai kuctas?
  • Where are you from? — Kugalaine oled?
  • Where do you live? — Kus sinä eläd?
  • Goodbye! / See you! — Nägemižhesai!
  • Thanks / Thank you. — Kitän.

Kacu mugažo[vajehta | vajehtada tekst]

Homaičendad[vajehta | vajehtada tekst]


Irdkosketused[vajehta | vajehtada tekst]