Koiranmuiktad

Vikipedii-späi
Koiranmuiktad
Koiranmuiktad
Koiranmuiktad
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Dicotyledones)
Kund: Uniheinänikoižed (Caryophyllales)
Sugukund: Grečanvuiččed (Polygonaceae)
Heim: Rumex
Erik: Koiranmuiktad
Latinankel'ne nimi
Rúmex confértus Willd.


Sistematik
Vikierikoiš


Kuvad
Vikiaitas

ITIS 504907
NCBI 1215406

Koiranmuiktad (latin.: Rumex confertus), mugažo hebonjurušk paginoiš, om äivozne heinäsine kazmuz, erik Grečanvuiččed-sugukundaspäi.

Leviganduz[vajehta | vajehtada tekst]

Kazvab Evrazijan meczonas, mecstepiš i nepsoil nituil.

Ei tirpi sodunuzid mahusid, regulärišt nitandad i omaluižid. Voib säta žomid, no paksumba kazvab üksin vai gruppal.

Ümbrikirjutand[vajehta | vajehtada tekst]

Jurišt om lühüd sanged, sarakoičese vähän, henod jured oma äiluguižed. Püštoiged seikh sarakoičese üläpalas, 90..150 sm kortte i kahthe santimetrhasai sankte. Kaik lehtesed kazdas varzil, čereduišoiš, röun om lainhekaz, 25 santimetrhasai pitte i 12..13 santimetrhasai sankte. Lehtesiden magu ei ole muiged.

Änikoičeb semendkus-kezakus. Henod pakuižvihandad änikod oma ühthekeratud pit'kaks löustkeks. Äikerdoičese semnil i juril. Seižui sügüzližid haloid vaste.

Kävutand[vajehta | vajehtada tekst]

Juriden ekstrakt andab pakušt mujud, voib käta sidä mustaks reakcijal raudsul'fatanke. Sadas vihandad mujud lehtesišpäi seikhidenke. Kävutadas jurid nahkoiden dubindsubstancijaks, veterinarijas — tervehtamha soliden i nahkan läžundoid. Ottas zelläks kazmusen kaikid paloid. Ei sättu ristituile sirdhiden läžundoidenke.

Kazmuz om perspektivine kul'turoičemha. Om kožui sötkeks sigoile, kodijänišile, kodikoittud linduile.

Kacu mugažo[vajehta | vajehtada tekst]

Homaičendad[vajehta | vajehtada tekst]