Koiv

Vikipedii-späi
Koiv
Koiv
Raudkoiv (Bétula péndula)
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Dicotyledones)
Kund: Bukpuänikoižed (Fagales)
Sugukund: Koivunvuiččed (Betulaceae)
Heim: Koiv
Latinankel'ne nimi
Bétula L., 1753
Areal
Image


Sistematik
Vikierikoiš


Kuvad
Vikiaitas

ITIS 19478
NCBI 3504

Koiv (latin.: Betula) om puiden heim Koivunvuiččed-sugukundaspäi.

Leviganduz[vajehta | vajehtada tekst]

Heimon kazmused oma levitadud Pohjoižes mapoliškos (Evrazii i Pohjoižamerik), sen venos i subarktižes vöiš. Koivun äjad erikod märitas lehtezmecoiden i segoitadud mecoiden mülündad. Elonform om pu päpaloin, armotomankoiv (Betula nana) om tundran i soiden penzaz.

Erikoiden tobj pala om pakaiženvastaine, ei ole mokičenus keväzližiš haloišpäi, voib eläda igähižel rougul. Koiv sädab mecan üläröunad korktoiden mägiden pautkil. Erased erikod oma lämännavedijad i oma levitadud subtropižes vös (gimalajiž-kitajižed, erased japonižed, amerikaine Betula nigra), kaikiš suvemb om Suvipäivnouzmaižen Azijan mägirajoniden Betula alnoides-erik.

Koivun erikod kazdas letemail i savikoil, kazvateližil i vägitomil mahusil, nepsoiš i kuiviš tahoiš. Putub jogiden i meriden nepsoil randoil, soidme, sokhas tundras, kuivil kivekahil pautkil, räkiš kuiviš stepiš. Koivud om päivännavedijad, no om pil'vesenvastaižid-ki erikod.

Erikod[vajehta | vajehtada tekst]

Läz 100 erikod, kaik oma Pohjoižes mapoliškos.

Erased erikod:

Koivhu sidodud vepsän tärtused[vajehta | vajehtada tekst]

  • Iver — koivun jur'.
  • Koivik, koivišt, koivžom — koivuine mec.
  • Kurč — koivun kuhm.
  • Toh' — koivun kor'.

Koivhu sidodud vepsän muštatišed[vajehta | vajehtada tekst]

  • Dölota koivuine ei koverdelde.
  • Jotta koivuižel čajul. (aznoita)
  • Koivuine om kandoine, ka koivuine i vezaine.
  • Koivuižes kandos habašt vezod ei kazva.

Homaičendad[vajehta | vajehtada tekst]



Nece kirjutuz om vaiše ezitegez. Tö voit abutada meile, ku kohendat sidä da ližadat sihe.