Pol'šan kel'

Vikipedii-späi

Pol'šan kel' (ičeze nimitused: język polski vai polszczyzna) om pol'šanmalaižiden kel' da Pol'šanman Tazovaldkundan valdkundkel', mugažo EÜ:n üks' oficialižiš kelišpäi. Pol'šan kel' om indoevropine, slavine kel'.

Pagižijoiden lugu om enamb 40 mln ristituid (2007), sidä kesken 36,41 mln rist. elädas Pol'šanmas (vn 2011 rahvahanlugemine).

Kaikiš amuižemb kirjutadud purde om 14. voz'sadan «Sventokšiski-mägiden pühäpaginad» (pol'š. Kazania Świętokrzyskie). Paginoiden gruppad: Suren Pol'šanman, Penen Pol'šanman, mazoveckan, silezijan, kašuban. Kirjankel' om sätud ezmäižen kahten paginan alusel.

Reguliruindorganzacii om Pol'šan kelen Nevondkund (Rada Języka Polskiego) Pol'šanman Tedoakademijanno vn 1996 sügüz'kuspäi, sijadase Varšavan Stašican pert'kulus.

Pol'šan kelen kirjamišt[vajehta | vajehtada tekst]

Pol'šan kelen kirjamed

Kaik 32 kirjant om pol'šan kelen kirjamištos: Aa, Ąą, Bb, Cc, Ćć, Dd, Ee, Ęę, Ff, Gg, Hh, Ii, Jj, Kk, Ll, Łł, Mm, Nn, Ńń, Oo, Óó, Pp, Rr, Ss, Śś, Tt, Uu, Ww, Yy, Zz, Źź, Żż.

Kirjamištos om mugažo 7 digrafad (ch, cz, dz, dź, dż, sz, rz) da trigraf dzi.

Lugusanad[vajehta | vajehtada tekst]

  • jeden — üks'
  • dwa — kaks'
  • trzy — koume
  • cztery — nell'
  • pięć — viž
  • sześć — kuz'
  • siedem — seičeme
  • osiem — kahesa
  • dziewięć — ühesa
  • dziesięć — kümne
  • dwadzieścia — kaks'kümne
  • trzydzieści — koumekümne
  • sto — sada
  • tysiąc — tuha

Frazad[vajehta | vajehtada tekst]

  • Cześć! — Tervhen!
  • Jak masz na imię? — Kut sindai kuctas?
  • Skąd jesteś? — Kugalaine oled?
  • Gdzie mieszkasz? — Kus sinä eläd?
  • Pa! / Do zobaczenia wkrótce! — Nägemižhesai!
  • Dziękuję. — Kitän.

Homaičendad[vajehta | vajehtada tekst]