Turan (lidn, Venäma)

Vikipedii-späi
(Oigetud lehtpolelpäi Turan)
Turan
Туран (ven. i tuv.)
Lidnanznam
Valdkund Venäma
Eläjiden lugu (2021) 5,044 ristitud
Pind 92 km²
Turan Туран (ven. i tuv.)
Pämez' Ajas Dongak
(sulaku 2020—)
Telefonkod +7−39 435-xx-xxx
Avtokod 17
Aigvö UTC+7 (MSK+4)


Turan (tuv.: Туран, ven.: Тура́н) om Venäman lidn da lidnankund (sumon) Tuvan Tazovaldkundan pohjoižes. Se om Pii-Heman kožuunan (rajonan) administrativine keskuz.

Istorii[vajehta | vajehtada tekst]

Se om ezmäine venämalaine eländpunkt Tuvas. Turanan aluz om pandud külähä vl 1885. Külä sai lidnan statusad vl 1945.

Turan-lidn šingotase sauvondedheotandoil da maižanduzturizmal (maralankazvatuz).

Geografijan andmused[vajehta | vajehtada tekst]

Lidn sijadase ühtennimižen jogen randal (mülüb Jenisein basseinha), 861 m ü.m.t. keskmäižel korktusel. Matkad Kizilan röunhasai om 65 km suvhe, se om lähembaine lidn.

Kaik koume žilod (arbanad) mülüdas lidnankundha Turanan ližaks. Lidnankundan pind — 94,01 km².

Eläjad[vajehta | vajehtada tekst]

Vn 2010 kaiken Venäman rahvahanlugemižen mödhe lidnan eläjiden lugu oli 4 981 ristitud, lidnankundan — 5 695 ristitud, kožuunan nell' seičemendest. Kaikiš suremb lidnan ristitišt oli läz kut tuhad eläjid vll 1989−1998 (6 tuh. rist. vl 1998). Vl 2017 kaik 4 921 ristitud elihe lidnas i 5 670 ristitud kaikes lidnankundas.

Rahvahad (enamba 0,5 % vn 2002 Venäman rahvahanlugemižen mödhe, ozutadud rahvahudenke): venälaižed — 59,0 %, tuvalaižed — 36,8 %, hakaslaižed — 0,7 %, armenijalaižed — 0,6 %, ukrainalaižed — 0,6 %, toižed rahvahad — 2,3 %.

Buddizman suburgan om olmas lidnas vspäi 2012. Ortodoksižen hristanuskondan kaks' pühäpertid[1] oma avaitud lidnas: ph. Innokentijan Irkutskalaižen puine jumalanpert' (oli saudud vl 1914, om udessündutadud 1990-nzil vozil) i uz' ph. Vladimir-ruhtinasen jumalanpert' (om letud vll 2015−2017).

Professionaližen opendusen aluzkundad ratas lähembaižiš lidnoiš.

Galerei[vajehta | vajehtada tekst]

Homaičendad[vajehta | vajehtada tekst]

  1. Turanan pühäpertid sobory.ru-saital. (ven.)

Irdkosketused[vajehta | vajehtada tekst]



Tuvan Tazovaldkundan lidnad
Ak-Dovurak | Čadan | Kizil | Šagonar | Turan