Kacu tekst Malgobek

{{Eländpunkt
 | Nimi = Malgobek<br />Малгобек <small>(ven.)</small><br />МагӀалбике <small>(ing.)</small>
 | Lidnanznam = Coat of Arms of Maglobek (SVG).svg
 | Flag = Flag of Malgobek (SVG).svg
 | Lidnanznam text = Malgobekan lidnanznam
 | Flag text = Malgobekan flag
 | Valdkund = Venäma
 | Eläjiden lugu = 37,339
 | Voz' = 2023
 | Pind = 100.79
 | Fail = Малгобек.jpg
 | Pämez' = Mussa Galaev<br/>(sügüz'ku 2019—)
 | Telefonkod = +7-8734-xxx-xxx
 | Avtokod = 06
 | Aigvö = [[UTC]]+3 ([[MSK]]+0)
}}
'''Malgobek''' ({{lang-ru|Малгобе́к}}, {{lang-inh|МагӀалбике}}) om [[Venäma]]n lidn da lidnümbrik [[Ingušetijan Tazovaldkund]]an lodehes. Om [[Malgobekan rajon]]an administrativižeks keskuseks, ei mülü rajonha. Vn 2007 redukuspäi om Venälaižen Federacijan sodahoštusen lidnaks.

== Istorii ==
Nügüdläižen eländpunktan aluz om pandud vl 1934, ''Voznesenskoje''-žilo kändihe ''Malgobek''-radnikžiloks samha [[kivivoi]]d. Vn 1939 elokun 27. päiväspäi se om lidnan statusanke. [[Toine mail'man soda|Suren sodan]] aigan nacistižen Germanijan sodaväged napriba anastada lidnan strategišt tahod i sen löudmižsijid, frontan pird mäni lidnan territorijadme vn 1941 redukuspäi, päzutihe vihanikoišpäi vn 1943 3. vilukud. Vll 1944−1957 Malgobek mülüi Pohjoižosetijha čečenalaižiden i ingušoiden deportacijan tagut. Sen jäl'ghe lidn alištui Čečenijad da Ingušetijan avtonomižen tazovaldkundan tobmudele oikti. Om Ingušetijan palaks tazovaldkundan jagon aigaspäi vl 1992.

Malgobek šingotase kivivoin samižen edheotandal, lämuzdiodižiden lampoiden tegimel i sömtegimištol (leibtegim, jauhkombinat). Nevondkundaližen aigan savičuntegim radoi mugažo.

== Geografijan andmused ==
Lidn sijadase Alhančurt-alangištos, 409 m keskmäižel korktusel valdmeren pindan päl. Om ümbärtud mägil: Terekan mägisel'g om pohjoižes, Sunžan mägisel'g om severziš-se kilometriš lidnaspäi suvhe.

Matkad [[Magas]]hasai om 40 km suvipäivnouzmha orhal. [[Alhančurtan kanal]]an päivlaskmaine sarak jokseb pidust' lidnan röunad suvipäivnouzmas.

== Tobmuz ==
Malgobek om ümbrikon üks'jäižeks eländpunktaks. Kaik nevondkundaližed žilod ümbri lidnas oma hudrad kivivoin samižen da reduvaluiden tagut, pidab sirta niiden eläjid lidnha.

Edeližed Lidnan Administracijan pämehed (municipaližen ühtnikan pämehed) oma Suleiman Egiev (kül'mku 2018 — sügüz'ku 2019) i Šarpudin Mamilov (''Шарпудин Мамилов'', tal'vku 2016 — kül'mku 2018). Lidnan Nevondkundan ezimez' om Usman Jevloev vn 2016 tal'vkuspäi. Edeline Nevondkundan ezimez' om Šarpudin Mamilov (2013−2016).

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 31 018 ristitud. Vl 2017 lidnan ristitišt oli 36 870 eläjad. Kaikiš suremb lidnan ristitišt oli 55 200 eläjid vl 2000 (lühüdaks aigaks).

Rahvahad (enamba 0,4 % vl 2010): [[ingušad]] — 89,7 %, [[čečenalaižed]] — 6,6 %, [[venälaižed]] — 1,6 %, [[turkad]] — 1,0 %, toižed rahvahad — 0,4 %, rahvahuden ozutandata — 0,7 %.

Kaik kuz' [[islam]]an pühäpertid oma avaitud lidnas.

Ingušan Islamine universitet Hamathan-Hadži Barzievan nimed<ref>[http://ingislamuniver.ru/ Ingušan Islamižen universitetan sait (''ingislamuniver.ru'').] {{ref-ru}}</ref>, sen kolledž<ref>[http://ingislamcollege.ru/ Ingušan Islamižen kolledžan sait (''ingislamcollege.ru'').] {{ref-ru}}</ref> i privatine Pohjoižkazvkazan sarakoidenkeskeine kolledž (vspäi 2022) oma lidnan professionaližen opendusen aluzkundoikš.

== Galerei ==
<gallery mode="packed" heights="125px">
Coat of Arms Malgobek (2013-2020, SVG).svg|Edeline lidnanznam (2013−2020)
Heydar Aliyev Alley in Malgobek.jpg|Allei Geidar Alievan nimed (2018)
Mass grave of Soviet soldiers fallen in WWII, Malgobek 2.jpg|Nevondkundaližiden sodamehiden velleskaum (Suren sodan pölištunuded), vn 2018 nägu
IS-3 monument in Malgobek.jpg|IS-3-tank monumentaks Malgobekan kaičijoile Suren sodan aigan (1942−1943), 2011. voz'
</gallery>

== Homaičendad ==
<references/>

== Irdkosketused ==
* [http://malgobek.gosuslugi.ru/ Lidnan tobmuden aluzkundoiden sait (''malgobek.gosuslugi.ru'')] i sen [http://malgobek.ru/ vanh versii (''malgobek.ru'', edel vn 2023 elokud).] {{ref-ru}}
{{Commons|Category:Malgobek}}

{{Ingušetijan Tazovaldkundan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Ingušetijan Tazovaldkundan lidnad]]
[[Kategorii:Ingušetijan Tazovaldkundan lidnümbrikod]]
[[Kategorii:Malgobekan rajon|*]]