Kacu tekst Naip'jido

{{10000}}
{{Eländpunkt
 | Nimi = Naip'jido<br />နေပြည်တော်
 | Lidnanznam = 
 | Flag = Flag of Naypyidaw Union Territory.svg
 | Lidnanznam text = Naip'jidon lidnanznam
 | Flag text = Naip'jidon flag
 | Valdkund = Mjanmar
 | Eläjiden lugu = 1,160,242
 | Voz' = 2014
 | Pind = 7,054.37
 | Fail = Nay Pyi Daw montage 2020.png
 | Pämez' = 
 | Telefonkod = +95-(0)67
 | Aigvö = [[UTC]]+6:30
}}
'''Naip'jido''' ({{lang-my|နေပြည်တော်}} [nèpjìdɔ̀] «kunigahan sijaduz») om [[Mjanmar]]an pälidn. Se om valdkundan koumanz' lidn eläjiden lugun mödhe, Mjanmaran region — Naip'jidon nevondterritorii.

== Istorii ==
Ende vaiše Pjinman-lidn ({{lang-en|Pyinmana}}, 100 tuh. eläjid vl 2006) sijazihe 17 kilometras uden pälidnan keskusespäi. Valdkundan uz' pälidn om saudud vll 2002−2012. Sirtihe pälidnad [[Jangon]]aspäi vn 2005 kül'mkus, 6.-11. päivil.

== Geografijan andmused ==
Lidn sijadase 115 m ü.m.t. keskmäižel korktusel. Matkad enččehe [[Jangon]]-pälidnhasai om 320 km suvhe.

Klimat om tropine räk kaks'sezonine. Kun keskmäine lämuz om +28..+32 C° keväz'kus-redukus, +23..+25 C° tal'vkus-uhokus. Paneb sadegid 1151 mm vodes, enamba semendkus-redukus (131..229 mm kus), kuiv sezon oleskeleb tal'vkus-keväz'kus (23 mm pordos).

== Eläjad ==
Vl 2009 lidnan-territorijan eläjiden lugu oli 924 608 ristitud. Kaikiš suremb ristitišt om nügüd'.

Koume universitetad ratas severz'-se kilometrad pohjoižpäivnouzmha lidnaspäi Jezin-žilos: maižandusen, mecižandusen, veterinarijan. Kaks' tedoinstitutad ratas siš-žo. Ičeze lidnas — üläopendusen aluzkundoiden koume nomeruidud školad, Suvipäivnouzmaižen Azijan bioerazvuiččendan tedoinstitut.

== Transport ==
Avtobusad i taksid oma kundaližeks transportaks lidnas da sen ümbrištos. Raudte ühtenzoitab Jangon- i [[Mandalai]]-lidnoidenke.

Rahvahaidenkeskeine civiline Naip'jido-lendimport (''NYT / VYNT'', {{lang-my|နေပြည်တော် အပြည်ပြည်ဆိုင်ရာ လေဆိပ်}} ''Naipjido aapjipjisinerarlajsiut'') radab 16 km suvipäivnouzmha vspäi 2011. Tehtas reisid valdkundadme, [[Bankok]]ha i Kitain erasihe-se lidnoihe ([[Pekin]], [[Nankin]], [[Sian']], [[Šen'čžen']], [[Kun'min]]).

== Irdkosketused ==
* [http://nptdc.gov.mm/ Naipjido-nevondterritorijan šingotesen komitetan sait (''nptdc.gov.mm'').] {{ref-my}} {{ref-en}}
{{Commons|Category:Naypyidaw}}

{{Azijan pälidnad}}

[[Kategorii:Naip'jido| ]]
[[Kategorii:Mjanmaran lidnad]]
[[Kategorii:Eländpunktad kirjamišton mödhe]]
[[Kategorii:Mjanmar|*]]
[[Kategorii:Pälidnad]]
[[Kategorii:Mjanmaran regionad]]