Kacu tekst Neftekamsk

{{Eländpunkt
 | Nimi = Neftekamsk<br />Нефтекамск <small>(ven.)</small><br />Нефтекама <small>(bašk.)</small>
 | Lidnanznam = Coat of Arms of Neftekamsk (Bashkortostan).png
 | Flag = Flag of Neftekamsk.svg
 | Lidnanznam text = Neftekamskan lidnanznam
 | Flag text = Neftekamskan flag
 | Valdkund = Venäma
 | Eläjiden lugu = 131,942
 | Voz' = 2021
 | Pind =
 | Fail = Вид на Нефтекамск с вертолета.jpg
 | Pämez' = El'dar Validov<br/>(uhoku 2022—)
 | Telefonkod = +7-34783-xx-xxx
 | Avtokod = 02. 102
 | Aigvö = [[UTC]]+5 (MSK+2)
}}
'''Neftekamsk''' ({{lang-ru|Нефтека́мск}}, {{lang-mhr|Нефтекамск}}, [[baškiran kel'|bašk]]. i {{lang-tt|Нефтекама}}) om [[Venäma]]n lidn da lidnümbrik [[Baškortostanan Tazovaldkund]]an lodehes. Se om tazovaldkundan nellänz' surtte lidn.

== Istorii ==
Eländpunktan aluz om pandud vl 1957 kuti geologiden žilo samha [[kivivoi]]d Arlanan löudmižsijaspäi. Radnikžilo sai lidnan statusad vl 1963. Aigan mändes ižanduz šingotaškanzihe erazvuiččikš, saudihe järedad Karmanovon GRES:ad (1968, andab tazovaldkundan elektrusen kaht videndest), ratud nahkoiden tegint ([[VAZ|VAZ:an]] täht, vspäi 1970, «Iskož»), avtotegint<ref>[http://nefaz.ru/ Neftekamskan avtotegimen sait (''nefaz.ru'').] {{ref-ru}}</ref> (1977, kumaidaiavtod [[KAMAZ|KAMAZ:an]] alusel i «NefAZ»-markan [[avtobus]]ad).

Neftekamskan tehmišton toižed sarakod oma mašinansauvomine (burauduzinstrument, «Metrotest» — laboratoriimašiništ i ladimed), sauvondmaterialiden pästand (keramižen [[savič]]un tegim, Amzin meckombinat) i sömtegimišt.

== Geografijan andmused ==
Lidn sijadase [[Kam (jogi)|Kamanjogen]] hural randpolel ([[Volg]]an bassein), 100 m ü.m.t. keskmäižel korktusel.

Matkad jogehesai om kuz' kilometrad lodeheze lidnaspäi, [[Uf]]ahasai om 185 km suvipäivnouzmha orhal vai 215 km avtotedme. Lähembaižed lidnad oma [[Kambark]] (Udmurtii) 20 km pohjoižhe i [[Agidel']] 30 km suvipäivlaskmha orhal.

== Tobmuz ==
Amz'-, Energetik-, Taškinovo-žilod da nell' küläd mülüdas lidnümbrikho Neftekamskan ližaks. Lidnümbrikon pind — 147,25 km².

Lidnümbrikon pämez' om sen nevondkundan ezimez'. Lidnan Administracijan edeližed pämehed oma Rašit Davletov (sulaku 2014 — keväz'ku 2019), Ratmir Mavliev (keväz'ku 2019 — uhoku 2022).

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 121 733 ristitud, lidnümbrikon — 133 535 ristitud. Kaik 126 805 eläjad oli lidnas i 138 314 eläjad kaikes lidnümbrikos vl 2017. Kaikiš suremb lidnan i lidnümbrikon ristitišt om nügüd' (2021).

Rahvahad (enamba 1 % vl 2010, ozutadud rahvahudenke): [[totarlaižed]] — 31,5 %, [[venälaižed]] — 29,7 %, [[baškiralaižed]] — 25,8 %, [[marilaižed]] — 9,9 %, toižed rahvahad — 3,1 %.

Lapsiden opendusen aluzkundad oma 42 päivkodid, 17 keskškolad, gimnazii, baškiran gimnazii, licei, norišton pert'kulu, lapsiden da norišton sädamižen šingotesen keskuz. Professionaližen opendusen aluzkundad oma Neftekamskan kolledžad (kivivoin, pedagogine<ref>[http://neftekamsk-npk.ru/ Neftekamskan pedagogižen kolledžan sait (''neftekamsk-npk.ru'').] {{ref-ru}}</ref>, mašinansauvomižen, äiprofil'ne<ref>[http://нмпк.рф/ Neftekamskan äiprofil'žen kolledžan sait (''нмпк.рф'').] {{ref-ru}}</ref>), Baškortostanan üläopendusen aluzkundoiden severz'-se filialoid.

== Transport ==
Avtobusad da taksid oma kundaližeks transportaks lidnas. ''Neftekamsk''-jügustancii (vspäi 1964) da ''Neftekamsk''-passažirstancii oma raudtesarakol [[Agidel']]-lidnhasai «Kazan' — Jekaterinburg»-keskustan Anz'-stancijaspäi.

Neftekamsk-lendimport (''NEF / UWUF / НФК'') sijadase kudes kilometras pohjoižpäivnouzmha lidnan keskusespäi, vspäi 2011 ei ole kaikenaigaižid reisid.

== Galerei ==
<gallery mode="packed" heights="125px">
Развлекательный центр Арсенал в Нефтекамске.JPG|«Arsenal»-bobuštuzkeskuz (2008)
Здания УВД, г.Нефтекамск.PNG|Milicijan sauvused (2009)
Мечеть в поселке Энергетик.jpg|Islaman pühäpert' Energetik-žilos, vn 2014 nägu
Петропавловская церковь, вид сбоку.JPG|Phh. Pedroin da Pauloin kafedraline päjumalanpert', vn 2013 nägu (om saudud vll 1825−1845)
Кармановская ГРЭС вид с противоположного берега.jpg|Karmanovon GRES vl 2008
Здание Метротест.jpg|«Metrotest»-kompanijan sauvuz vl 2019
Нефтекамский филиал БашГУ.jpg|Baškirijan valdkundaline universitet, Neftekamskan filial (2019)
Городской дом Культуры.jpg|Lidnan kul'turkeskuz (2013)
Нефтекама филармонияһы. Башҡортостан.jpg|Neftekamskan filarmonijan sauvuz (2007)
Neftekamsk Airport.jpg|''Neftekamsk''-lendimport vl 2015
</gallery>

== Homaičendad ==
<references />

== Irdkosketused ==
* [http://sovetneftekamsk.ru/ Lidnümbrikon Nevondkundan oficialine sait (''sovetneftekamsk.ru'').] {{ref-ru}}
* [http://neftcity.ru/ Lidnan administracijan oficialine sait (''neftcity.ru'').] {{ref-ru}} {{ref-ba}}
{{Commons|Category:Neftekamsk}}

{{Baškortostanan Tazovaldkundan lidnad}}

[[Kategorii:Neftekamsk| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Baškortostanan Tazovaldkundan lidnad]]
[[Kategorii:Baškortostanan Tazovaldkundan lidnümbrikod]]