Kacu tekst Nojabr'sk

{{Eländpunkt
 | Nimi = Nojabr'sk<br />Ноябрьск
 | Lidnanznam = Coat of Arms of Noyabrsk (Yamal Nenetsia).png
 | Flag = Flag of Noyabrsk (Yamal Nenetsia).svg
 | Lidnanznam text = Nojabr'skan lidnanznam
 | Flag text = Nojabr'skan flag
 | Valdkund = Venäma
 | Eläjiden lugu = 100,188
 | Voz' = 2021
 | Pind = 38.84
 | Fail = Noyabrsk (Lenin St.).jpg
 | Pämez' = Aleksei Romanov<br/>(keväz'ku 2016—)
 | Telefonkod = +7-3496-xxx-xxx
 | Avtokod = 89
 | Aigvö = [[UTC]]+5 ([[MSK]]+2)
}}
'''Nojabr'sk''' ({{lang-ru|Ноябрьск}} [nɐˈjabrʲsk], {{lang-tt|Ноябрьск}}, {{lang-uk|Ноябрськ}}, {{lang-yrk|Нюдя Пэвдей марˮ}}, sijaline {{lang-yrk|Нюча пэ”дя”й марˮ}}) om [[Venäma]]n lidn da lidnümbrik [[Jamalan Nenciden avtonomine ümbrik|Jamalan Nenciden avtonomižen ümbrikon]] suviröunanno. Se om ümbrikon kahtenz' lidn eläjiden lugun mödhe, om ümbärtud [[Puran rajon]]an territorijal.

== Istorii ==
1975. voz' lugetas lidnan oficialižen alusenpanendan vodeks, sen voden sulakul ezmäine desant ištutihe Itujah-jogen ({{lang-ru|Итуяха}}) jäle otmaha Holmogoran [[kivivoi]]n löudmižsijad kävutamižhe. Zavottihe eländpunktan i ''Nojabr'skai''-raudtestancijan sauvondad vn 1976 [[kül'mku]]s (ven. ''ноябрь'') kuti kivivoin samižen radnikoiden žilo. Nimitihe ''Nojabr'skii''-žiloks sauvomižen zavodindan kun mödhe. Vn 1978 lopus lendimport (''NOJ / USRO / НОЯ'', 233 tuh. passažiroid vl 2022) radaškanzi kahesas kilometras päivlaskmha lidnaspäi. Žilo sai lidnan statusad nügüdläiženke nimenke vn 1982 28. päiväl sulakud.

Nojabr'sk šingotase kivivoin da sen gazan samižel («[[Gazprom]]») i Vingapuran gazanümbriradajal tegimel («SiburTümen'Gaz»), kivivoikompanijoiden holitusen edheotandoil i sauvondkompanijoil, Nojabr'skan purugazelektrostancijal, maižanduzkompleksal i sömtegimištol (leibän i pol'fabrikatoiden tehmine, veden pakuitez).

== Geografijan andmused ==
Lidn sijadase Nankpöh-jogen randoil ({{lang-ru|Нанкпёх}} 32 km pitte, vanh. Pösl'-Nan ''Пёсль-Нана'', [[Pur]]-jogen bassein), 115 m ü.m.t. keskmäižel korktusel, [[Ob' (jogi)|Obin]] i Puran vezijagandanno. Om taigad i penid järvid lidnan ümbrištos, kaikiš suremb om Tetu-Mamontotäi-järv (31 km²) kahesas kilometras suvipäivnouzmha. Matkad [[Hantin da Mansin avtonomine ümbrik|Hantin da Mansin avtonomižen ümbrikon]] röunhasai om kümne kilometrad suvhe, [[Salehard]]hasai om 557 km lodeheze orhal vai 1140 km avtotedme. Lähembaižed lidnad oma [[Muravlenko]] 80 km lodeheze orhal vai 119 km avtol, i [[Kogalim]] (Hantin da Mansin avtonomine ümbrik) 120 km suvhe orhal, raudtedme i avtotedme.

Klimat om [[ven vö|ven]] subarktižen i teravan kontinentaližen röunal. Voden keskmäine lämuz om −3,4 C°, kezakun-elokun +12..+16 C°, tal'vkun-uhokun −18..−23 C°. Ekstremumad oma −55 C° i +34 C°. Paneb sadegid 623 mm vodes, enamba kezakus-redukus (63..87 mm kus), vähemba vilukus-uhokus (29..31 mm kus).

Nojabr'sk om lidnümbrikon üks'jäižeks eländpunktaks. Se kogoneb znamoitud projektirujil mikrorajonišpäi (oz., Д-1, И-2, Ц-1, Е, К) i edahaižes Vingapurovskii-mikrorajonaspäi (žilo edel 2004. vot, 80 km päivnouzmha avtotedme pidust' ümbrikoiden röunad). Lidnümbrikon pind — 189,05 km².

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 110 620 ristitud, se oli kaikiš suremb lidnan ristitišt. Kaik 106 879 eläjad oli lidnas vl 2017.

Rahvahad (enamba 0,4 % vl 2010): [[venälaižed]] — 65,5 %, [[ukrainalaižed]] — 12,3 %, [[totarlaižed]] — 6,7 %, [[azerbaidžanlaižed]] — 2,9 %, [[baškiralaižed]] — 2,3 %, [[vaugedvenälaižed]] — 1,5 %, [[moldovalaižed]] — 1,1 %, [[lezgilaižed]] — 0,6 %, [[čuvašalaižed]] — 0,6 %, [[uzbekad]] — 0,5 %, [[tadžikalaižed]] — 0,4 %, [[čečenalaižed]] — 0,4 %, [[kirgizlaižed]] — 0,4 %, [[kumikad]] — 0,4 %, toižed rahvahad — 3,4 %, rahvahuden ozutandata — 1,0 %.

[[Ortodoksine hristanuskond|Ortodoksižen hristanuskondan]] nell' jumalanpertid<ref>[http://sobory.ru/geo/distr/1143 Nojabr'skan pühäpertid ''sobory.ru''-saital.] {{ref-ru}}</ref> oma saudud lidnas. [[Baptizm]]an pühäpert' om letud. [[Islam]]an pämečet' om avaitud vspäi 2004.

Professionaližen opendusen aluzkundad oma Nojabr'skan professionaližiden da informacižiden tehnologijoiden kolledž<ref>[http://nkit89.ru/ Nojabr'skan professionaližiden da informacižiden tehnologijoiden kolledžan sait (''nkit89.ru'').] {{ref-ru}}</ref>, Jamalan äiprofil'žen kolledžan ([[Salehard]]) filial, Nojabr'skan gumanitariž-ekologine institut ([[Tümen'|Tümenin]] valdkundaližen universitetan filial) i Nojabr'skan kivivoin da gazan institut Viktor Gorodilovan nimed (Tümenin industrialižen universitetan filial), mugažo üläopendusen nell' filialad (Moskv, Tomsk, Novosibirsk, Jekaterinburg). Kaik viž sportkompleksad ratas lidnas.

== Galerei ==
<gallery mode="packed" heights="125px">
City center of Noyabrsk.jpg|Te lidnan administracijan sauvusennoks (2006)
Noyabırsk yamal i nenitski otonom bölgesinin en büyük şehiri rusyanında petrol ve gaz yataklarınında merkezi -62derece sıcaklık by ismail soytekinoğlu - panoramio.jpg|Nojabr'skan pämečet', vn 2008 nägu
Noyabrsk, Yamal, West Siberia - panoramio.jpg|«[[Sibneft']]»-kompanijan kontor vl 2005
Noyabrsk teleport.jpg|''Teleport'' — lidnan TV- da radioänetoitandan keskuz (2006)
Noyabrsk Airport.jpg|''Nojabr'sk''-lendimportan terminal vl 2018
</gallery>

== Homaičendad ==
<references />

== Irdkosketused ==
* [http://gorod-noyabrsk89.testportal.yanao.ru/ Lidnan Duman oficialine sait (''gorod-noyabrsk89.testportal.yanao.ru'').] {{ref-ru}}
* [http://admnoyabrsk.ru/ Lidnan Administracijan oficialine sait (''admnoyabrsk.ru'').] {{ref-ru}}
{{Commons|Category:Noyabrsk}}

{{Jamalan Nenciden avtonomižen ümbrikon lidnad}}

[[Kategorii:Nojabr'sk| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Jamalan Nenciden avtonomižen ümbrikon lidnad]]
[[Kategorii:Jamalan Nenciden avtonomižen ümbrikon lidnümbrikod]]