Kacu tekst Radužnii (Hantin da Mansin avtonomine ümbrik)

{{Eländpunkt
 | Nimi = Radužnii<br />Радужный
 | Lidnanznam = Raduzhnyj gerb.jpg
 | Flag = Flag of Raduzhny (Khanty-Mansia (Yugra)).png
 | Lidnanznam text = Radužnijan lidnanznam (Hantin da Mansin avtonomine ümbrik)
 | Flag text = Radužnijan flag (Hantin da Mansin avtonomine ümbrik)
 | Valdkund = Venäma
 | Eläjiden lugu = 43,577
 | Voz' = 2021
 | Pind = 142.05
 | Fail = Raduĵnij (Ĥanto-Mansi) 06.jpg
 | Pämez' = Natal'ja Gulina<br/>(heinku 2018—)
 | Telefonkod = +7-34668-xx-xxx
 | Avtokod = 86. 186
 | Aigvö = [[UTC]]+5 ([[MSK]]+2)
}}
{{Znamoičendad|Radužnii}}
'''Radužnii''' ({{lang-ru|Ра́дужный}}, {{lang-tt|Радужный}}, {{lang-uk|Радужний}}) om [[Venäma]]n lidn da lidnümbrik [[Hantin da Mansin avtonomine ümbrik|Hantin da Mansin avtonomižen ümbrikon]] pohjoižpäivnouzmas. Om ümbärtud [[Nižnevartovskan rajon]]an territorijal.

== Istorii ==
Eländpunktan aluz om pandud vl 1973 kuti kivivoiradnikoiden žilo otmaha kävutamižhe Varjoganan [[kivivoi]]n da sen gazan löudmižsijad. [[Hantilaižed]] nimitadas tahondad ''Varjogan Maa''. Vn 1978 keväz'kul registriruihe eländpunktad ''Radužnii''-žiloks i sauvoškanzihe kaikenaigašt pertištod. Vn 1982 22. päiväl uhokud kätihe Radužnijad radnikžiloks (lidnanvuiččeks žiloks). Vn 1985 15. päiväl elokud žilo sai lidnan statusad.

Radužnii šingotase kivivoin samižel, «Varjoganneftegaz»-kompanii om lidnan päedheotandaks. Sen ližaks, elektrokabeliden somustoitandan tegim radab, tualetbumagan pästandan edheotand i leibtegim oma olmas.

== Geografijan andmused ==
Lidn sijadase [[Agan]]-jogen ({{lang-ru|Аган}} 544 km pitte, [[Ob'|Obin]] oigedpol'ne bassein) da sen Agrnjogan- i Nöhisjaun-ližajogiden randoil, 70 m ü.m.t. keskmäižel korktusel.

Matkad [[Hanti-Mansiisk]]hasai om 464 km päivlaskmha-suvipäivlaskmha orhal vai 671 km avtotedme. Lähembaižed lidnad oma [[Nižnevartovsk]] (raudtestancii) 142 km suvhe orhal vai 165 km avtol i [[Pokači]] 107 km päivlaskmha-suvipäivlaskmha orhal vai 320 km avtotedme, voib sadas Agan-jogedme. Vspäi 2007 ei ole lendimportad.

== Tobmuz ==
Radužnii om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez', edel vn 2015 redukud oli Duman ezimez'. Edeline lidnan pämez' (Administracijan pämez') om Sergei Baskakov (kül'mku 2015 — heinku 2018). Lidnan Duman ezimez' om Grigorii Borščov vn 2011 sulakuspäi.

== Eläjad ==
Vn 2010 kaiken Venäman rahvahanlugemižen mödhe lidnan eläjiden lugu oli 43 399 ristitud. Kaik 43 157 eläjad oli lidnas vl 2017. Kaikiš suremb lidnan ristitišt oli 46..47 tuhad eläjid vll 1992−2009 (47 900 rist. vll 2005−2006).

Rahvahad (enamba 0,8 % vl 2010): [[venälaižed]] — 51,2 %, [[ukrainalaižed]] — 9,2 %, [[totarlaižed]] — 6,9 %, [[lezgilaižed]] — 4,2 %, [[azerbaidžanlaižed]] — 3,6 %, [[baškiralaižed]] — 3,2 %, [[kumikad]] — 2,4 %, [[tadžikalaižed]] — 1,8 %, [[vaugedvenälaižed]] — 1,0 %, [[moldovalaižed]] — 0,8 %, toižed rahvahad — 7,0 %, rahvahuden ozutandata — 8,7 %.

[[Ortodoksine hristanuskond|Ortodoksižen hristanuskondan]] ph. Joann Kronštadtalaižen jumalanpert'<ref>[http://sobory.ru/geo/locat/3941 Radužnijan lidnümbrikon pühäpertid ''sobory.ru''-saital.] {{ref-ru}}</ref> om saudud vll 2000−2003. [[Islam]]an pämečet' om avaitud vn 2004 kül'mkuspäi.

Radužnijan politehnine kolledž<ref>[http://рпк86.рф/ Radužnijan politehnižen kolledžan sait (''рпк86.рф'').] {{ref-ru}}</ref> om lidnan professionaližen opendusen aluzkundaks.

== Galerei ==
<gallery mode="packed" heights="125px">
Raduzhny, Khanty-Mansi Autonomous Okrug, Russia - panoramio (13).jpg|Sportlavut (2010)
Raduzhny, Khanty-Mansi Autonomous Okrug, Russia - panoramio (1).jpg|Keskškol nomer 2 (2010)
Raduĵnij (Ĥanto-Mansi) 05.jpg|«Varjeganneftegaz»-kompanijan kontor vl 2018 ([[Rosneft']])
Aĉetcentro en Raduĵnij (Ĥanto-Mansio).jpg|Torguimižbobuštuzkeskuz i «AganGrad»-adivpert' vl 2018
Hotelo Jevgenija (Raduĵnij, Ĥanto-Mansio) 01.jpg|«Jevgenija»-adivpert' (2018)
</gallery>

== Homaičendad ==
<references/>

== Irdkosketused ==
* [http://duma-rad.ru/ Radužnii-lidnan Duman oficialine sait (''duma-rad.ru'').] {{ref-ru}}
* [http://www.admrad.ru/ Radužnii-lidnan Administracijan oficialine sait (''admrad.ru'').] {{ref-ru}}
{{Commons|Category:Raduzhny, Khantia-Mansia}}

{{Hantin da Mansin avtonomižen ümbrikon lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Hantin da Mansin avtonomižen ümbrikon lidnad]]
[[Kategorii:Hantin da Mansin avtonomižen ümbrikon lidnümbrikod]]