Kacu tekst Rai Satjadžit

{{1000}}{{A10000}}
{{Personalii
| изображение = Satyajit Ray with Ravi Sankar recording for Pather Panchali cropped Ray.jpg
| описание изображения = Satjadžit Rai tegeb «''Ten pajo''»-fil'man vn 1955 uhokus
}}
'''Satjadžit Rai''' ({{lang-bn|সত্যজিত রায়}} vai সত্যজিৎ রায়, {{lang-en|Satyajit Ray}}; sünd. [[2. semendku]] [[1921]], [[Kolkat|Kal'kutt]], [[Britanine Indii]] — kol. [[23. sulaku]] [[1992]], [[Kolkat]], [[Päivlaskmaine Bengalii]], [[Indii]]) oli indine režissör, prodüser da scenarist. Kirjuti muzikad äjile ičeze fil'mile. Lapsiden kirjutai, kirjoiden kuvatai da pästai. Ezmäine indine «[[Oskar (kinopremii)|Oskar-premijan]]» sai (1992, suriden satusiden tagut kinematografas). Sädi bengalan kelel tobjimalaz, om sädusid anglijan i hindi-kelil, Indijan erasil toižil kelil.

== Biografii ==
Satjadžit oli sündnu Sukumar Rai-kirjutajan i hänen Suprabha Rai-akan pereheze i jäi üks'jäižen poigan. Voib löuta tatan ezitatoid kümnehe pol'vhesai, kanz oli otnus literaturha i čomamahtho. Tat koli pošavad taguiči vl 1923, i Satjadžit eli mamanke gollüdes. Openui školas, sid' Kolkatan universitetan Prezidentan kolledžas (ekonomik, fizik). Oli pästnus kolledaspäi vl 1940, opendusen aigan Päivlaskmman klassižen muzikan i kinon tedoiduz tegihe hänen navedijaks radoks. Tedoizi grafikan tehnikad kaks' vot Visva-Bharata-universitetas.

Toižen mail'man sodan zavodindan tagut Rai taci opendust i radoi reklaman agentuses kümne vot, kazvoi sen čomamahton ohjandajaks. Vl 1947 pani ezmäižen indižen kinokluban alust ühtes Čidananda Guptanke. Vll 1950−1991 jätkusti kar'jerad kinos, linni [[realizm]]an tetaban kuvatajan, bengalan rahvaz oli fil'miden hengen. Rai sai enamba 20 Indijan i rahvahidenkeskešt arvlahjad da premijad fil'miden sädandas. Kirjuti äiluguižid sanutesid i romanid bengalan kelel, sädi ''Ray Roman''-šriftad.

== Kanz ==
Satjadžit Rai nai vl 1948, dvojurodnii Bidžoija Rai-sizar (1917−2015) oli hänen akan. Heiden üks'jäine laps' om Sandip-poig (sünd. 1953), radab fil'miden prodüseran i muzikdirektoran.

== Valitud fil'mografii režissöraks ==
* «''Ten pajo''» (1955)
* «''Alištumatoi''» (1956)
* «''Filosofijan kivi''» (1958)
* «''Muzikaline honuz''» (1958)
* «''Apu:n mail'm''» (1959)
* «''Jumalnaine''» (1960)
* «''Koume tütärt''» (1961)
* «''Kančendžang''» (1962)
* «''Järed lidn''» (1963)
* «''Päiväd da öd mecas''» (1970)
* «''Diamantoiden kunigahuz''» (1980)
* «''Kodi i mail'm ''» (1984)
* «''Vihankandai rahvast vaste''» (1990)
* «''Ühten pun oksad''» (1990)
* «''Kalaidai''» (1991)

== Homaičendad ==
<references/>

== Irdkosketused ==
* [http://srfti.ac.in/ Kinon da televizijan institut Satjadžit Rai nimed Kolkatas (''srfti.ac.in'').] {{ref-en}} {{ref-hi}}

[[Kategorii:Indijan režissörad]]
[[Kategorii:Indijan scenaristad]]
[[Kategorii:Kinoscenaristad]]
[[Kategorii:Režissörad kirjamišton mödhe]]
[[Kategorii:Scenaristad kirjamišton mödhe]]
[[Kategorii:Personalijad kirjamišton mödhe]]