Kacu tekst Räzanin agj

{{Venälaižen Federacijan subjekt
|Nimi           = Räzanin agj
|Venälaine nimi = Рязанская область
|Flag           = [[Fail:Flag of Ryazan Oblast.svg|150px|Räzanin agjan flag]]
|FSCoA          = [[Fail:Coat of arms of Ryazan Oblast.svg|110px|Räzanin agjan znam]]
|FlagLnk        = Räzanin agjan flag
|CoALnk         = Räzanin agjan znam
|FSMap          = [[Fail:Map of Russia (2014–2022) - Ryazan Oblast.svg|300px]]
|FSCtrWhat      = Pälidn
|FSCtrNm        = [[Räzan']]
|AreaRnk        = 58
|TotArea        = 39605
|WaterPrcnt     = 0.5
|PopRnk         = 46
|Eläjiden lugu  = 1,121,474
|PopCtDate      = 2018
|PopDens        = 28.32
|GDPRnk         = 51
|GDP            = 337,0
|GDPCtDate      = 2016
|GDP(PPP)       = 298,6
|FedDistrNm     = Keskuzline
|EcRegNm        = Keskuzline
|OfLangs        = [[venäkel']]
|HeadTtl        = Gubernator
|HeadNm         = [[Lübimov Nikolai|Nikolai Lübimov]]
|ViceTtl        = Ohjastusen ezimez'
|ViceNm         = ''hän-žo''
|LegislTtl      = Agjan Duman ezimez'
|LegislNm       = [[Fomin Arkadii|Arkadii Fomin]]
|FSAnthem       = 
|Domain         = 
|CadNo          = 62
|MSK            = [[UTC]]+3 ([[MSK]]+0)
}}
'''Räzanin agj''' ({{lang-ru|Рязанская область}}) om [[Venäma|Venälaižen Federacijan]] [[Venälaižen Federacijan subjektad|subjekt]].

Se mülüb [[Federaline keskuzümbrik|Federaližhe keskuzümbrikho]].

Agjan administrativine keskuz da kaikiš suremb lidn om [[Räzan']].

== Keled ==
Valdkundkel' om üks'jäine — [[venäkel']].

== Istorii ==
Räzanin agj om olmas vs 1937 sügüz'kun 26. päiväspäi.

Räzanin agjan Päkäskuz<ref>[http://constitution.garant.ru/region/ustav_ryazan/ Räzanin agjan Päkäskusen tekst. — ''Constitution.garant.ru''.] {{ref-ru}}</ref> om vahvištadud vn 2005 2. päiväl kül'mkud Agjan Duman ezitajil, om allekirjutadud gubernatoral sen-žo voden 18. päiväl kül'mkud da om väges möhembaižidenke vajehtusidenke. Se vajehti endišt Päkäskust, kudamb oli vahvištadud vn 1998 28. päiväl redukud.

== Geografijan andmused ==
[[Fail:Relief Map of Ryazan Oblast.png|thumb|left|250px|Räzanin agjan reljefan kart.]]
Agjal om röunoid 8 regionanke: [[Alalidnan agj]]anke pohjoižpäivnouzmas, [[Mordovijan Tazovaldkund]]anke päivnouzmas, [[Penzan agj]]anke suvipäivnouzmas, [[Tambovan agj|Tambovan]] da [[Lipeckan agj|Lipeckan]] agjoidenke suves, [[Tulan agj]]anke päivlaskmas, [[Moskvan agj]]anke lodehes, [[Vladimiran agj]]anke pohjoižes. Räzanin agj om mererandatoi.

Pind om 39 605 km², sidä kesken [[mec]] otab 10 530 km², [[mustma]] om agjan suves. Jogiden tobj pala mülüb [[Okanjogi|Okanjogen]] basseinha. Sen znamasižed ližajoged oma [[Pranjogi]] (hura), [[Pronänjogi]], [[Paranjogi]], [[Cnanjogi]],  da [[Mokš (jogi)|Mokš]] (oiktad). Pened joged mülüdas [[Don]]-jogen basseinha agjan suves.

Reljef om kukhikaz. [[Meščoran alangišt]]on päivnouzmaine pala sijadase agjan pohjoižes. Kaikiš korktemb čokkoim om [[Keskvenälaine ülüz|Keskvenälaižen ülüden]] nimetoi taho suvipäivlaskmas (236 m). Znamasižen [[Ok (jogi)|Okanjogen]] kendäk om kaikiš madalamb sen alajoksmuses Vladimiran agjan röunanno (76 m).

Klimat om [[ven vö|ven]] kontinentaline. Heinkun keskmäine lämuz om +20 C°, vilukun lämuz om −11 C°. Paneb sadegid 550 mm vodes, enamba kezal. Vegetacine pord vedase 180 päivest.

Londuseližed varad oma [[bur hil']], [[turbaz]], [[sauvondmaterialad]] ([[mouckivi]], [[lete|letked]], [[savi|saved]], [[sauvondgips]]), [[fosfor|fosforitad]], [[mec]], [[mustma]].

== Tobmuz ==
[[Fail:Здание Правительства Рязанской области..JPG|thumb|right|250px|Agjan Ohjastusen ištundoiden päsija [[Räzan'|Räzaniš]].]]
Agjan pämez' nimitase gubernatoraks. [[Lübimov Nikolai|Nikolai Lübimov]] radab gubernatoran vs 2017 uhokun 14. päiväspäi. Hänen valdatusiden strok om viž vot, enamba koumed strokud jäl'geten ei sa. Gubernator om mugažo agjan Ohjastusen pämez', hän märičeb sen strukturad da paneb sen ühtnijoid radnikusile. Varagubernator - Ohjastusen ezmäine varaezimez', kaks' Ohjastusen ezmäšt varaezimest da koume Ohjastusen muite varaezimest oma hänele abhu. Erinii ministr radab gubernatoran ezitajaks agjan Dumas.

Räzanin agjan üks'kodine parlament om Agjan Dum. Kaik rahvaz valičeb sen 36 ezitajad videks vodeks, heišpäi 9 ratas kaikenaigaižešti. [[Fomin Arkadii|Arkadii Fomin]] radab Agjan Duman ezimeheks vs 2010 sulakun 7. päiväspäi kahtenden strokun.

Radonoigendai tobmuz om Räzanin agjan Ohjastuz. Agjan ministrused, päohjandused da valdkundaližed inspekcijad alištudas Ohjastusele.

Valitihe gubernatorad vn 2017 10. päiväl sügüz'kud, [[Lübimov Nikolai|nügüdläine gubernator]] sai vägestust ezmäižes turas (80,16%). Agjan Duman ühtnijoiden järgenduseližed valičendad oliba vn 2015 13. päiväl sügüz'kud (6. kucund).

== Eläjad ==
Vn 2010 Venäman rahvahanlugemižen mödhe eläjiden lugu oli 1 154 114 ristitud<ref>[http://www.gks.ru/free_doc/new_site/population/demo/perepis2010/svod.xls Venäman kaikenaigaine ristitišt vl 2010. — Rosstat (''gks.ru'').] {{ref-ru}}</ref>. Kaikutte seičemenz' ristit kümnespäi om lidnalaine.

Kaik om [[Räzanin agjan lidnad|kaks'toštkümne lidnad]] agjas da 22 lidnanvuittušt žilod. Ei ole toižid järedoid lidnoid. Vl 2017 kaik oli 10 eländpunktad enamba mi 10 tuh. eläjidenke.

Rahvahad (enamba 0,4% vl 2010): [[venälaižed]] — 89,0%, [[ukrainalaižed]] — 0,8%, [[mordvinalaižed]] — 0,5%, [[armenijalaižed]] — 0,5%, [[totarlaižed]] — 0,4%, toižed rahvahad — 2,3%, rahvahuden ozutandata — 6,5%.

== Homaičendad ==
<references />

== Irdkosketused ==
* [http://www.ryazangov.ru/ Räzanin agjan gubernatoran da Ohjastusen oficialine sait (''ryazangov.ru'').] {{ref-ru}}
* [http://www.rznoblduma.ru/ Räzanin agjan Duman oficialine sait (''rznoblduma.ru'').] {{ref-ru}}

{{Räzanin agjan lidnad}}
{{Venälaižen Federacijan subjektad}}

[[Kategorii:Räzanin agj| ]]