Kacu tekst Soči

{{Eländpunkt
 | Nimi = Soči<br />Сочи
 | Lidnanznam = Coat of Arms of Sochi (Krasnodar krai).svg
 | Flag = Flag of Sochi (Krasnodar krai).svg
 | Lidnanznam text = Sočin lidnanznam
 | Flag text = Sočin flag
 | Valdkund = Venäma
 | Eläjiden lugu = 446,599
 | Voz' = 2023
 | Pind = 176.77
 | Fail = View of Sochi from Akhun.JPG
 | Pämez' = Aleksei Kopaigorodskii<br/>(sügüz'ku 2019—)
 | Telefonkod = +7-862-xxx-xxxx
 | Avtokod = 23. 93. 123
 | Aigvö = [[UTC]]+3 (MSK+0)
}}
[[Fail:Sochi administrative division.png|thumb|left|250px|<div style="margin-left: 5px; border-width: 0; text-align: left;">
'''Lidnümbrikon administrativižed rajonad:'''<br />
1. Keskuzrajon ''(alajagase 12 lidnanlaptaks)''<br />
2. Hostan rajon<br />
3. Lazarevskojen rajon<br />
4. Adleran rajon</div>.]]
'''Soči''' ({{lang-ru|Сочи}} [ˈsotɕɪ], {{lang-hy|Սոչի}} ''Soči'', {{lang-ab|Шәача}}) om [[Venäma|Venälaižen Federacijan]] kaikiš järedamb kurortlidn. Se om [[Krasnodaran rand]]an kahtenz' lidn eläjiden lugun mödhe. Sijadase [[Kavkaz|Päivlaskmaižen Kavkazan]] [[Mustmeri|Mustanmeren]] randištol. Om kaks' meriportad.

Vl 2014 Soči vastsi [[Tal'volimpiad-2014|Tal'veližid Olimpižid vändoid]].

== Istorii ==
Eländpunktan aluz om pandud vl 1838. Se sai lidnan statusad vl 1917.

Soči šingotase lebuturizmal i kahtel meriportal.

== Geografijan andmused ==
Lidn om pit'k da kaid formal, vedase pidust' randištod tobjimalaz, 0..1800 m korktusil, 65 m ü.m.t. keskmäižel korktusel. Om kahtendeks pitte lidnaks mail'mas [[Mehiko]]n jäl'ghe, piduz — 105 km orhal vai 140 km avtotedme.

Klimat om [[subtropine vö|subtropine]] neps, [[Kavkaz]]an mäged kaitas mererandad pohjoižiš viluiš tulleišpäi. Voden keskmäine lämuz +14,6 C°, heinkun-elokun +23,7..+24,3 C°, vilukun-uhokun +6,3..+6,5 C°. Ekstremumad oma −13,4 C° (viluku) i +39,4 C° (heinku). Ei voi panda halad semendkus-sügüz'kus. Paneb sadegid 1651 mm vodes, läz tazomäras kuidme, enamba redukus-vilukus (175..178 mm kus), vähemba sulakus-kezakus (95..109 mm kus) i elokus (106 mm).

== Tobmuz ==
Sočin lidnümbrik jagase nelläks administrativižeks rajonaks. Kaik 80 eländpunktad mülüdas lidnümbrikho Sočin ližaks: lidnanvuitte [[Rusked Pallišt]]-žilo, 71 küläd, üks' žilo i seičeme aulad. Lidnümbrikon pind — 3502 km².

Edeline lidnan pämez' (mer) om Anatolii Pahomov (viluku 2009 — sügüz'ku 2019).

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 343 334 ristitud, lidnümbrikon — 420 589 ristitud. Vl 2017 lidnan eläjiden lugu oli 411 524 ristitud, lidnümbrikon (Sur' Soči) — 492 601 ristitud. Kaik 561 793 eläjad oli lidnümbrikos vl 2023. Kaikiš suremb lidnan i lidnümbrikon ristitišt om nügüd'.

Rahvahad (enamba 0,4 %, lidnümbrik vl 2010): [[venälaižed]] — 67,1 %, [[armenijalaižed]] — 19,3 %, [[ukrainalaižed]] — 2,2 %, [[gruzijalaižed]] — 1,9 %, [[adiglaižed]] — 1,1 %, [[grekalaižed]] — 0,8 %, [[totarlaižed]] — 0,5 %, [[vaugedvenälaižed]] — 0,4 %, toižed rahvahad — 2,6 %, rahvahuden ozutandata — 4,1 %.

== Transport ==
Avtobusad, maršruttaksid, ezilidnelektrojonused, avtoiden kortom, taksid i koume kervačted oma kundaližeks transportaks lidnas. Kaks' funikulörad oma sanatorijoiden sauptud territorijal. Avtoümbärte 18 km pitte om saudud vspäi 1988. Kaik kuz' päraudtestancijad ratas (Soči, Adler, Lazarevskai, Host, Rusked Pallišt, [[Loo]]) i äi raudteplatformid. Nevondkundaližen aigan punolendimiden jonod ühtenzoitiba Sočin lendimportad Sočin keskuzpalanke (maploduiden möndan tukuil torgusen tarh), Rusttanke Pallištonke i Aibg-žilonke. Soči varatoitase londuseližel gazal veimedme Džubgaspäi 172 km pitte, sen tobj pala venub Mustmeren pohjal pidust' randad.

Rahvahidenkeskeine soda- da civiline ''Soči''-lendimport Vitalii Sevastjanov-kosmonavtan nimed<ref>[http://aer.aero/ Rahvahidenkeskeižen Soči-lendimportan sait (''aer.aero'').] {{ref-ru}} {{ref-en}}</ref> (''AER / АДЛ / URSS'', 12,9 mln passažiroid vl 2022) sijadase läz Soči-päraudtestancijad. Tehtas reisid Venäman äjihe surihe lidnoihe, Kavkazan pälidnoihe (enamba Jerevanha), Keskuzazijan surihe lidnoihe, Päivlaskmaižen Azijan erasihe-se lidnoihe (Dubai, Stambul, Tel' Aviv), Belgradha, Tailandan i Egiptan lebutahoiže.

== Galerei ==
<gallery mode="packed" heights="125px">
Sochi administration.jpg|Lidnan-kurortan Administracijan sauvuz (2014)
Храм Святого Владимира на Виноградной горе.jpg|Ph. Vladimiran kafedraline päjumalanpert' Vinmarjanmägel, vn 2011 nägu
Radisson Park Hotel Sochi.JPG|''Radisson Park Hotel Sochi''-adivpert' vl 2008
RussianInternationalOlympicUniversity.JPG|Venäman rahvahidenkeskeine olimpine universitet (2013)
Вокзал Сочи-Пассажирский.jpg|''Soči-Passažirskii''-päraudtestancijan sauvuz vl 2006
</gallery>

== Tetabad sündnuded ==
* [[Galustän Mihail|Mihail Galustän]] (sünd. 1979) — armenine mez', Venäman jumorist, akt'or i prodüser.
* [[Keščän Ararat|Ararat Keščän]] (sünd. 1978) — armenijalaine, Venäman komedijan akt'or da TV-vedai.
* [[Keščän Ašot|Ašot Keščän]] (sünd. 1977) — armenijalaine, Venäman režissör da akt'or.
* [[Leps Grigorii|Grigorii Leps]] (sünd. 1962) — gruzijalaine, Venäman muzikprodüser, muzikankirjutai da pajatai.

== Sebruzlidnad ==
* {{FIN|#}} [[Espoo]], [[Suomenma]] (vspäi 1989)
* {{EST|#}} [[Pärnu]], [[Estinma]] (1994)
* {{TUR|#}} [[Trabzon (lidn)|Trabzon]], [[Turkanma]] (1991)
* {{CAN|#}} [[Vankuver]], [[Britanine Kolumbii]], [[Kanad]] (2010)
* {{CHN|#}} [[Veihai]], [[Kitai]] (1996)

== Homaičendad ==
<references />

== Irdkosketused ==
* [http://sochi.ru/ Lidnan-kurortan tobmuden portal (''sochi.ru'').] {{ref-ru}}
* [http://gs-sochi.ru/ Lidnan Nevondkundan oficialine sait (''gs-sochi.ru'').] {{ref-ru}}
{{Commons|Sochi}}

{{Krasnodaran randan lidnad}}

[[Kategorii:Soči| ]]
[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Krasnodaran randan lidnad]]
[[Kategorii:Krasnodaran randan lidnümbrikod]]