Kacu tekst Katoline jumalankodikund

{{1000}}{{A10000}}
[[Fail:Distribution of Catholics.png|thumb|right|250px|Katolikoiden pala valdkundoidme (2010)]]
'''Katoline jumalankodikund''' ({{lang-la|Ecclesia Catholica}}), se-žo '''Riman katoline jumalankodikund''' ({{lang-la|Ecclesia Catholica Romana}}), om [[hristanuskond]]an kaikiš järedamb jumalankodikund mail'mas 1,25 mlrd polenpidajidenke.

Nimituz libub {{lang-grc|καθ όλη}} ''kath ola''-sanoišpäi «kaikedme ünäižedme», ''katoline''-termin kävutase 2. voz'sadaspäi meiden erad. Katoline jumalankodikund kogoneb latinižes jumalankodikundaspäi i 23 päivnouzmaižkatoližes jumalankodikundaspäi. Mail'man keskuz sijadase [[Vatikan]]-valdkundas [[Rim]]-lidnan südäimes. Službad mändas [[latinan kel'|latinan kelel]] i rahvahaližil kelil. Ottas kävutamižhe [[grigorianine kalendar'|grigorianišt kalendarid]] päpaloin, erased päivnouzmaižkatoližed kundad — [[julianine kalendar'|julianišt]]. Katoline jumalankodikund lugeb kaiked [[hristanuskond]]an istorijad ičeze istorijaks edel vn 1054 erigoitust [[ortodoksine hristanuskond|ortodoksižes hristanuskondaspäi]].

Jumalankodikundan administracii om [[Pühä Valdištim]] ({{lang-la|Sancta Sedes}}), se mülütab nenid aluzkundoid: [[Rimalaine Papa]] (Vatikanan pämez') i [[Riman kurii]]. Ohjastusen kollegialižuz jätktase apostoloiden aigoišpäi. «Kanonižen oiktusen kodeks»-dokument om sätud jumalankodikundan päkäskuseks. Ideologii om [[katolicizm]].

Jumalankodikundan elo om sekulärizuidud [[valdkund]]aspäi, pühän radnikoičendan koume märad: arhijerei, pap', diakon. Nened arvod oma jumalankodikundan ijerarhijas, ozitesikš: kardinal, arhiepiskop, primas, mitropolit, prelat, abbat, mugažo ordinarii, vikarii, koadjutor. Territorialižed ühtnikad (penembaspäi) oma tulend, dekanat, abbatuz, vikariat, ekzarhat, prefektur, administratur, diocez (eparhii), arhidiocez (arhieparhii). Mitropolii om eparhijoiden i arhieparhijoiden ühtištuz, mitropolijan i arhieparhijan keskuz om se-žo lidn.

[[Francisk (Rimalaine Papa)|Francisk]] om valitud da radab Rimalaižeks Papaks vs 2013 keväz'kun 13. päiväspäi.

== Homaičendad ==
<references />

== Irdkosketused ==
* [http://www.vatican.va/ Pühän Valdištmen oficialine sait (''vatican.va'').] {{ref-la}} {{ref-it}} {{ref-en}} {{ref-de}} {{ref-es}} {{ref-fr}} {{ref-pt}} {{ref-ar}} {{ref-zh}}
* [http://www.catholic-hierarchy.org/ Katoližen jumalankodikundan strukturan sait (''catholic-hierarchy.org'').] {{ref-en}}

{{stub}}
[[Kategorii:Katoline jumalankodikund| ]]
[[Kategorii:Katoline hristanuskond]]