Kacu tekst Zei (lidn)

{{Eländpunkt
 | Nimi = Zei<br />Зея
 | Lidnanznam = Coat of Arms of Zeya (Amur oblast).png
 | Flag = Flag of Zeya.svg
 | Lidnanznam text = Zejan lidnanznam
 | Flag text = Zejan flag
 | Valdkund = Venäma
 | Eläjiden lugu = 18,864
 | Voz' = 2023
 | Pind = 45
 | Fail = Zeysky hydroelectric power station.jpg
 | Pämez' = Andrei Brodägin<br/>(sulaku 2022—)
 | Telefonkod = +7-41658-xx-xxx
 | Avtokod = 28
 | Aigvö = [[UTC]]+9 (MSK+6)
}}
{{Znamoičendad|Zei}}
'''Zei''' ({{lang-ru|Зе́я}}) om [[Venäma]]n lidn da lidnümbrik [[Amuran agj]]an keskuzpalas. Se om [[Zejan rajon]]an administrativižeks keskuseks mugažo.

== Enzne i nügüde ==
Eländpunktan aluz om pandud vl 1879 kuti ''Zejan Varažom'' ({{lang-ru|Зейский Склад}}) Üläamuran kuldansamižkompanijan täht. Om nimitadud jogen mödhe ({{lang-evn|джеэ}}-sanaspäi «tera»). Žilo sai lidnan statusad vl 1906 uden ''Zejan Valdmad''-nimenke ({{lang-ru|Зейская Пристань}}). Vspäi 1913 lidn nimitase nügüdläižikš.

Lidnan kaikiš suremb edheotand om [[Zejan GES]]. Se om kahtenz' surtte gidroelektrine stancii Venäman Edahaižes Päivnouzmpoles da Amuran agjas [[Burejan GES|Burejan GES:an]] jäl'ghe. Mugažo sadas [[kuld]]ad da mecad lidnan ümbrištos.

== Geografijan andmused ==
Lidn sijadase [[Zei (jogi)|Zejanjogen]] keskjoksmusen oiktal randal ([[Amur (jogi)|Amur-jogen]] hura ližajogi), Tukuringr-mägisel'gan pautkenno, 220 m ü.m.t. keskmäižel korktusel. Matkad [[Blagoveščensk (Amuran agj)|Blagoveščenskhasai]] om 385 km suvhe orhal vai 530 km avtotedme, lähembaižhe [[Skovorodino]]-lidnhasai om 220 km päivlaskmha orhal vai 312 km avtotedme. Lähembaine raudtestancii om Transsiban Tigd ({{lang-ru|Тыгда}}) 104 km suvipäivlaskmha.

Klimat om terav kontinentaline. Tal'v om vilu, ei voi olda sulasäd tal'vkus-vilukus. Voden keskmäine lämuz om −0,9 C°, kezakun-elokun +17,5..+20,4 C°, tal'vkun-uhokun −18,4..−24,2 C°. Ekstremumad oma −48,9 C° (tal'vku) i +40,0 C° (heinku). Kezaaigan minimum om −3,9 C° (kezaku), tal'vaigan maksimum om +7,2 C° (uhoku). Voib panda halad miččel taht kul, heinkun minimum om 0 C°. Paneb sadegid 529 mm vodes, enamba kezakus-elokus (95..123 mm kus), vähemba kül'mkus-keväz'kus (5..10 mm kus).

== Tobmuz ==
Zei om lidnümbrikon üks'jäižeks eländpunktaks.

Lidnümbrikon pämez' om sen Administracijan pämez', edel vn 2018 sügüz'kud nevondkundan ezimez' oli lidnümbrikon pämehen. Edeline Administracijan pämez' om Sergei Gibadullin (sügüz'ku 2018 — heinku 2021). Lidnümbrikon Deputatoiden nevondkundan ezimez' om Väčeslav Soročuk vn 2023 redukuspäi. Edeližed nevondkundan ezimehed oma Tat'jana Abazova (heinku 2020 — reduku 2023), Ol'ga Dolženko (sügüz'ku 2018 — heinku 2020), Sergei Matvejev (sügüz'ku 2013 — sügüz'ku 2018).

== Eläjad ==
Vn 2010 Venäman rahvahanlugemižen mödhe lidnan eläjiden lugu oli 24 986 ristitud. Kaik 23 505 eläjad oli lidnas vl 2017. Kaikiš suremb lidnan ristitišt oli 32 400 eläjad vl 1992.

Rahvahad (2010): [[venälaižed]] — 95,7 %, [[ukrainalaižed]] — 1,8 %, toižed rahvahad — 2,5 %.

[[Ortodoksine hristanuskond|Ortodoksižen hristanuskondan]] kaks' pujumalanpertid<ref>[http://sobory.ru/geo/locat/15031 Zejan pühäpertid ''sobory.ru''-saital.] {{ref-ru}}</ref> oma saudud lidnas vspäi 1994: ph. Mikulai-čudonsädajan, ph. Varvara-moknikan.

Lapsiden opendusen aluzkundad oma severz'-se päivkodid, viž keskškolad (nomer 1, 4, 5, licei, opendusen keskuz), muzikškol, lapsiden sädamižen ''Rovesnik''-pert' («Ühtenigäine»), sportškol. Privatine Pokrovskii-kaivuzkolledž<ref>[http://pgk-amur.ucoz.ru/ Pokrovskii-kaivuzkolledžan sait (''pgk-amur.ucoz.ru'').] {{ref-ru}}</ref> i Amuran medkolledžan filial<ref>[http://amk-blg.ru/filial-v-g-zeja/ Zejan filialan lehtpoled Amuran medkolledžan ''amk-blg.ru''-saital.] {{ref-ru}}</ref> oma lidnan professionaližen opendusen aluzkundoikš.

== Sebruzlidn ==
* {{USA|#}} [[Beiker Siti]], [[Oregon]]-štat, [[Amerikan Ühtenzoittud Valdkundad|AÜV]] (vspäi 1996)

== Homaičendad ==
<references />

== Irdkosketused ==
* [http://admzeya.amurobl.ru/ Lidnümbrikon tobmuden sait (''admzeya.amurobl.ru'').] {{ref-ru}}
{{Commons|Category:Zeya}}

{{Amuran agjan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Amuran agjan lidnad]]
[[Kategorii:Amuran agjan lidnümbrikod]]
[[Kategorii:Zejan rajon|*]]